De const van rhetoriken

ix.
112
Dese hebben u berooft by dijns selfs inuentien,
Mids hoouerdie in u vast beclijfuende:
Tcleed van onsteerfuelicheit en van innocentien.
By fraudulentien dat van u verdrijfuende,
Vvelck cleed, oft eerste stoole wegh blijfuende
Bekent dat ghy naect waert als u bedeerfelicheit,
Tserpent hild u zinnekens onderkijfuende:
Ende vuer de glorie van eeuwigher eerfelicheit,
Koerd deeuwighe steerfelicheit.
x.
In teecken van dien om onzer alder bequellen,
Vuer donsteerfelick cleed deur tviands pieren
Staeckt ghy an u lichaem een habijt van vellen
Dwelck men als noch vlaedt van doode dieren:
Ghy die dit hoord wild u hier by scholieren,
Ghy moedt met Adam steruen als diet van hem heeft:
In alle dine zaken wilt God obedieren,
Hadde hy tghebod niet verbroken en daer afgesneeft
Hy hadde eeuwigh gheleeft.
xj.
Zidy ontrust ofte maeckt ghy onvrede,
Oft mach u twyffelighen anxt gheraken
Om dat ghy begruten moet dat Adam mesdede,
Men sal u den rechten keest doen smaken:
Adam vvas figuere van toecommende zaken,
Duer hem de dood op ons alle zonder ghena quam:
Ghelijck men in den vvinter alle fruut siet waken
In zyn vvortele dwelck zyn bloeissel spa nam
Alzoo vvaren vvy in Adam.
Matthijs de Castelein, De const van rhetoriken