De const van rhetoriken

Ander vremde snede.
226
Helpe Gods helighe cracht, alder crachtighst,
Die bouen al, zijd ghehacht, alder ghehachtighst,
Bedacht alder bedachtighst, tsmeinschen profite bloot:
Die ons drucks can een slaken maken.
Tonzer salicheit God, hebdi magt, alder magtigst,
Ende geeft den eeuwighen pacht, alder pachtighst:
Hoe mach ic dus verbliden met tsweerelds iolite groot?
Als die naer idel zaken haken?
Alleene saudic wel int Goddelic blaken naken,
Ten daen verleeders, die mi met haer valsch sermoen voen:
Als icker in ben, moet ic naer tsaeisoen doen.
[6x gedichtjes in latijnse metra]
Veersen in dichte, Phaleucium carmen.
Myn schoon dochter, glorieus met allen,
Vvild dijn gratie my subijt toe schriuen.
Op my vulleke, laedt dijn hulpe vallen:
Vvant ghy, schoon Venus, onder alle wiuen
Dalder liefste zijd, ende zuldse bliuen.
Tetrastichon elegidion.
Gods maegt, en moeder, mijn schoon princesse verheuen
Verbid myn sneuen, valsch, quaet en illecebrues
Myn Vrueght, Troost, Rijcdom, Confoort, Victorie, Leuen,
Vvilc my troost gheuen, Balseme delicieus.
Distichon heroicum.
Vvilt mi troost bieden, seer curts, oidmoedige blomme
Laet dit gescieden, terstont duervloedige gomme.
Matthijs de Castelein, De const van rhetoriken