De const van rhetoriken

ij.
103
Twintighsten in Sporkel mueghdy tstic vry sommen
Vuer ons tenneel ende iueghdelic conuent:
Vvild onzen cueningh dan vrooeilick by commen,
Ende leghd om wel doen subtijl talent.
Vvie ten drien naer noene spelen sal esbatement,
Audst vertoogt, boerdelicst, zotst naer daude zeen,
Sal ij. stoop potten hebben, gewrocht fraey en gent
Daer naer ij. vierendeelen, twee pinten, dan zijt te vreen,
Ende al sijn ijnghels teen.
iij.
Vvie in vastenauond uut goe vruegd werd ghesien,
Om elcs verblien vroylic bouen screuen,
Om zinen prijs commen achter noene ten drien,
Een verdichst, vremdst, zotst, zulc als daer mach ancleuen
Een half vat vleghel most sal hy beleuen,
Mids potten en dranc mach hi dan mannierlic drijnken
Tsaterdaegs loot, ten viij. wilt blasoen ouergeuen
Vuer noene, om copie laten wilt ooc fierlic dijnken,
Ende u ionst ons chierlick schijnken.
iiij.
Besouckt ons al vueren ghy Paxvobianen,
Vvild swareid spanen, tsvruegds vanen ontpluuct
Kerssauwieren comt ooc vrueghd vermanen:
Camers van buten goe ionst in u beluuct:
Gheselscappen, en wijcken ooc, die sidt en duuct
Vul melancolien met die des droufheits zinvoen,
Comt met trommelen en volck zeer wel ghestruuct,
Vvanneer ghy lien zuld naer al zulck ghewin spoen
Vvy en sullen u niet min doen.
Matthijs de Castelein, De const van rhetoriken