De const van rhetoriken

76.
26
Ondervraeghd u iemand ind vroe of ind slichte
Van sinen dichte oft goed es oft quaet,
De waereid suldy hem berechten lichte,
En spaerd daer in niemend, Neue noch Nichte
Doet zoo Aristarchus dede van ghelijcker daet,
En mijdt vriend noch viand, dats minen raet:
Loeftuterie in dy zeluen tallen tijden stild,
Ende steld ghy materien delicaet
Vald curt in al tgheent dat ghy belijden wild.
77.
Dat ooc moet verswéghen zijn, wilt datte decken,
Met vlours ouertrecken, het en wert gheen vitie,
Men moet somtijd miden de quade becken,
Ghy moght ooc simpel onnosel ontwecken
Gheuende, bee, quade exempelen, en suspicie:
Qualic mueghdy ooc allerande conditie
Plattelick vutsegghen, mids tvolcks allendigheit,
Iemende zo te naer gaen dijn compositie:
Noemd niemend, vseerd subtile behendigheit.
78.
Zo Appelles déde onder Schilders excellent
Den meester bekend, naer dat Fabius vermaende,
Als hy Antigonum (in de eene ooghe blent)
Vvilde contrefaicten, binnen tsweerelds conuent,
Maeckte hem cuenstich ouer deen zide staende,
Om dat niemend en zo wezen gade slaende
Zijn blentheit, die elc mocht heden of moerghen schauwen
Alzo moet den Facteur hier te werke gaende
Zomtijd wat verwimpelen oft verboerghen hauwen.
Matthijs de Castelein, De const van rhetoriken