De const van rhetoriken

204.
124
Hier moet ghy weten Ionghers ghemeene
Groot ende cleene om des aerbeidts verslinden,
Dat twee alfue reghels vulmaken eene,
Zoo ghy zien mueghd niet hier vueren alleene,
Maer achter naer noch dicwild zult vinden.
Voord an willen wy ons onderwinden
Tot een andere, ende met diligentie spoen:
Refereinen van elleuen wil ick ontbinden,
Vvild ghylien de const eere en reuerentie doen.
205.
Voord die op dees conste zijd becuerd,
Als ghy labuerd, tsij slicht weerck oft zwaer,
En ghy naer nieu snede van thienen spuerd,
Vveedt datt, onder half reghels wel ghebuerd
Datter steert vald en sluudt wel eenpaer:
Exemple vind ghy ind Referein hier naer:
Vseerd dit ick raedt vuer een goe solutie,
Ghy zultder smaeck in vinden weetick vuer waer,
Dan leest van elleuen ons prosecutie.
Van thienen metten steerte. Een Lof.
j.
Onlanghs my vindende inder curtsen allende,
Ten tyde als ick dichtte dijns vaders legende
Petronelle schoon kerssauwe.
Ghebuerdet dat ick eerst dijn virtuten kende,
Hoe ghy vanden curts gheeft boete ende emende
Als maerschalc en vrauwe,
Het stond my zeer nauwe,
Matthijs de Castelein, De const van rhetoriken