De const van rhetoriken

181.
61
Vvies vueren gheseid es als ionghers vul trauwen
Moedt ghy onderhauwen hier in dees landen,
By conclusien, welcke wy in Flacco schauwen
Die te gheenen daghe en magh verflauwen,
Segghende aldus met rijpen verstanden:
In allerande saken zijn zeker banden
En manniere van doene als vaste tribuut,
Daer niemend buten en magh ten ware met schanden,
Vvant mate en manniere es tschoonste virtuut.
182.
Dit al leerick u lien, ghy coraiuese gheesten,
Vvant alle fumuese leesten wijsick vuer by:
Ghy zuld hier vinden vele amoruese geesten,
Doet deser const veel pompuese feesten
Zu eist wel werdich ick zeghd u vry.
Tot tpropoost van vueren keerick nu my ;
Van eene tot twintich reghels werdt ghy gheriefd,
Exemple van allen sneden leuerick dy
Beghind ghy te lesene alst u beliefd.
[2. Voorbeeldgedichten + de daarbij
aansluitende theoriestrofen 183-217]
[Gedichten van 1, 2, 3, 4, 5, 6 regels; rondelen; theoriestrofen 183-184]
Van eenen Reghele. Incarnatië.
CaroLVs aL stILLe, naM doornIICke In tsInen VVILLe.
Van ij. regulen. Incarnatië.
BII PaVIën daer dIVersChen prIIs LaCh,
FLaVde de LeLIë, op Sente MatthIIs daCh.
Van drie regulen.
Naer dat ick beseffe, ende claer anschauwe,
Zo en essere in des weerelds landauwe
Niet importuundere, dan een pruessche vrauwe.
Matthijs de Castelein, De const van rhetoriken