De const van rhetoriken

155
Ander snede, te segghen ouerhand, Vutroup.
.j.
A.
Vvel an met vrueghden neemd ripen raet
Ghy daer de horloge niet effene en staet:
Alle die meshuud ziit in Venus verstranghen.
Gommaerd met zyn wyf van felder daet,
Haud nu zyn feeste mids ons bisschops aflaet:
De gulde es opene om elcks verlanghen.
Zo wie verwyfd ziit men sal u ontfanghen,
Vander gulden te vullen informerende:
Veel schoone artikelen met weenenden wanghen,
Zullen wy u wesen declarerende.
Terdt an maeckt u haerwaerd arriuerende,
Hier werd ghy gheschust,
B.
Puer als de verdulde.
A.
Hebdy qualick varens lust,
B.
Comt vry in de gulde.
ij.
A.
Vueren ende al vueren zonder veel fammaeis,
Vvie in dees gulde comt zonder meer delaeis,
Moet lydzaem vallen, ten helpt smeecsel noch bede.
Qua worden moet hy hooren, ende veel ghecraeis,
Nemmermeer verwachtende ruste noch paeis,
Dit es Gommaerds patientighe zede:
Matthijs de Castelein, De const van rhetoriken