De const van rhetoriken

vj.
93
Dus schieden zy met minnen eerlic en tamelic:
Peinst hoe hier Gods gratie in heeft ghewrocht.
Desen paeis es gheslote onderlijnghe minsamelic,
Nooit vremd man en wasser toe versocht,
Ghelijc Symeön inden gheest wardt ghebrocht
Ten tempel, om Christum in zyn aermen te hauwene
Tsghelijcs wart den Coninc in den gheest bedocht
Om Caerlen onzen edelen Keyser te schauwene.
vij.
Desen paeis passeerd alle paeisen ind beleen,
Groote affectie, was cause vander diligentie:
Laban ende Iacob sloughen paeis op eenen steen,
Maer daer was van woerden groote contentie:
De Gabaöniten met looser inuentie
Verdulden Iosue, die veel steden wan,
Van Lisias, makick ooc cleen mentie
Hy maeckte paeis met Iudas als verwonnen man.
viij.
Ionathas minde Dauid, ghelijck zynen vadere
Met vierigher herten, them waerd beuaen,
Dies sloughen zy paeis ooc, beede te gadere
Maer twas ter subtijlder causen ghedaen.
Desen paeis rijst uut een ionstich vermaen,
Vvant hier heift gewrocht tsgeests inspiratie bloot:
Alsmen den grond, hier af, wel wild verstaen,
Cause efficiente, spruut uut Gods gratie groot.
Matthijs de Castelein, De const van rhetoriken