De const van rhetoriken

156
Duucken ende swighen moet hy ooc mede.
Ghy alle die u sulck kend diend ons zeer wel:
Dwijf moetty laten in haren vrede,
Als duertaud zu hu zomwilen hu vel,
Neemd de pacientie keeret vuer spel,
Als valt zu zeer ontrust:
B.
Ghelijck die u vermulde,
A.
Hebt ghy qualick varens lust,
B.
Comt vry in de gulde.
iij.
A.
An u moet ghi trecken des huus geheel bestier
Vvascht ghy de schotelen, blaest zelue tvier:
Laedt de ionfere haer zoete ghemack verweruen.
Vaegt den vloer: deckt de tafele: schijnct ghy dbier:
Steld ditte daer, ende brijnghd datte hier:
Ghy en mueght den pap niet laten bederuen.
Den pot moetti heeten, en dwaerm moes scheruen
Vvillecomd hu huusvrauwe vanden sermoene:
Breeckt ghy een canne, ghy zullet besteruen:
Ende crijgt clijnckanten, in dien ghy eedt vuer noene.
In dien u dit niet en verleedt te doene,
Terdt an en blijft ghetsust:
B.
Hoe zu met u drulde.
Matthijs de Castelein, De const van rhetoriken