De const van rhetoriken

xx.
86
Spiegheld u an tselue, neemd hier an meerck,
Die met elck anderen te samen gauderen,
Het moet al steerfuen tsy leeck oft cleerck:
Ieghen de dood en es gheen adpelleren.
Alzo langhe als wy tsamen bancketeren,
Eeren wy elc anderen alle vriendschap ancléuende,
Alst ghestoruen es laedt vriendschap niet cesseren:
Vriend behoort vriend te eerene dood en léuende.
Item Baladen ouersleghen, Op zulcke Medicijns.
.j.
Ghy ostentateurs, oppiaensche lieden,
Dat zidy ghilien die de const pallijeerd:
Vvijs wanende zyn mueghdy bleeck bedieden,
Vroed maeckt den volcke dat ghy u bleec studeerd
Martiael desen Oppiaen induceerd,
Die wijs waende zyn mids zyn bleeck beschot,
Ghelijc ghy lien, die de lieden vermuseleerd:
Maer alzulcke wijsheit maeckt eenen zot.
ij.
Als roerickt, en draeghd my gheene inuidie,
Vvie u dit antreckt zijt zonder verstooricheit:
Valt diligent, schuud sulcke desidie,
Al tvolck werd moede van uwer looricheit.
Neemd u exemple naer de behooricheit
An beesten onredelick als peerden en swijnen,
Die den meinsche leeren zonder wederspooricheit,
Princepalick in chyrurgien ende medicijnen.
Matthijs de Castelein, De const van rhetoriken