De const van rhetoriken

iij.
144
Materiael wijngaerden, zyn hier by, zonder weerde
Alzoot blijckt: ende in dalder zoetste eerde
Brijnghd den wijngaerd dalder schoonste vrucht:
Ontsiende gheen verseeren.
Gheene obstinaetheit, zonder hoouerde,
Compareric by dese oedmoedighe gheerde.
Voord groeit den wijngaerd hooghe inde lucht:
Dats de gratie ons Heeren.
Den wijngaerd vought hem ooc om bughen om keeren:
Dits Gods goederthiereit verstekende torment.
Alle dees dueghden om Gods lofs vermeeren,
Maghmen an Christum dueghdelick leeren,
Dus es hy den warachtighen wijngaerd bekent.
iiij.
Meer proprieteiten des wijngaerts crachtich,
Zyn applicable an Christum God almachtich:
Vvant ghelijc zyn bladers alle wonden mundifieren,
Zoo zuuerde hy tsweerelds dal.
Gelijc ook tswijngaerds blommen, virtuhues indachtich
Tpusoen vercrancken, en tvenijn manslachtich,
Alzo wilde God ons ant cruce purgieren:
Ende in gratien nemen sal.
Vvijn ende watere beede naer tgheual
Sietmen dat by tyden uten wijngaerd rent:
Dats remis van zonden, en de sacramenten al,
Dwelc al van Christo comt groot en smal:
Dus es hy den warachtighen wijngaerd bekent.
Matthijs de Castelein, De const van rhetoriken