De const van rhetoriken

123
Ghy Orpheu die de vueghels locktet vanden rise,
Ende int wel zijnghen by niemend te gheliken waerd:
Ia ghy alle musicienen groot van prise,
Vvild ghy minen raed doen doet als de wise,
Comt sijngt, sprijngt, vulbrijnght nu der musike aerd.
iiij.
Thalassius, en Silenus mannen van namen
De boerdelickste twee die nooit moeder drough,
Mids Amyras, ende Ariön mochtens hem wel schamen
Op dat zy hier ten tenneele niet en quamen,
Zy keerdent ter blamen spade ende vrough.
Alle andere sanghers helpt hier trecken den plouch
Siet dat ghy dijn eere zonder verkiken claerd:
Ghy vindt hier van allen liedekins ghenough
Op noten ghesteld, naer hulier ghevough,
Comt sijngt, sprijngt, vulbrijnght nu der musiken aerd.
v.
Maect u alle haerwaerd zonder langh gheschal
Aud, iongh, groot, smal, ghy zult commen ic waens:
En princepalick dien ic weinsche goed gheual
Robbius, den cuenstenare bouen al,
Daer de Nimphen af hebben veel ghedaens.
Ghy en durft niet vraghen wat esser gaens?
Die lieuer onder sanghers dan langhe piken vaerd
Vvant ghy van allen sijngd, vlaenders, duutsch, spaens
Inghels, françoys, ende italiaens,
Comt sijngt, sprijngt. vulbrijgnht & ç.
Matthijs de Castelein, De const van rhetoriken