De const van rhetoriken

iij.
92
Tonsen Keyser hadde hy groote affectie
Dat hy hem met ooghen wilde ansien,
Dies vouchde hy hem gheheel onder zyn protectie,
En stelde hem ter voyagen curt naer dien:
Ons edel Keysere met sinen lien
Lagh een mile van daer ter vulder armeie.
Alzoodt gheproponeerd was moest gheschien
Den Cuenijngh vand hem in sKeysers galeie.
iiij.
Hier was minne, vriendschap ende accoerd,
Zy embrachierden elck anderen dicwild vaste:
Onder hem beeden sproken zy menich woerd
Tot dat de huere van scheedene paste.
Tsanderdachs vand hem den Keyser te gaste
Teyghersmorte by Cuenijngh ende Cuenighinne,
Daer tooghden zy elc anderen by naturen laste
Dusentigh vaud vriendschap ende minne.
v.
Summa: verblijd u ghy vlaenders pallays,
Den xv. Iulij der maend voorleden
Naer noene, was ghesloten den paeys,
Daer alle dese landen by commen in vreden.
Hoord wat dese machtichste princhen deden,
Elck daer van anderen een iuweel ontfijngh
In teecken van broederscap inder eewicheden
Staken zy an de handen elck anders rijngh.
Matthijs de Castelein, De const van rhetoriken