De const van rhetoriken

ij.
131
Volcs heeft hy vergaderd een vulle dousine
Die alle leuen met grooter pine,
Zy maken hem zeluen te vele te doene
Ind ruters ancleuen:
Als hadden zy dusent pond groote int scrine,
Zy en hilden een mite niet ten fine:
Dies soucken zy behendicheit te desen saeisoene
Om mueghen leuen.
Den pilote van sente Reinuut heeft ghescreuen
An onsen Bisscop, dat zyn groote galeye
Vter hauen van Bijstierueld werd ghedreuen,
Ten alder langsten, nu commende alf Meye.
iij.
Dies es hy ghepurrend van Broodshende
Om schuwen des aermoeds groote allende:
Dees nieumare en stond hem niet langher te swighene
By gheenen keere.
Niet vele en sagh iemand beroeider bende,
Dies waren zy gheerne inder piloten spende,
Vaer hebbende van qualick plaetse te crighene:
Elck suerghd om zine eere.
Vvy sullen u, der personagen, vroed maken breere
Ende gheuen tplat verstand van deser zaken:
Hemlien en rouct hoe vul zy sijn van zeere
Mueghen zy int schip van sente Reinuut gheraken.
Matthijs de Castelein, De const van rhetoriken