Mudzimai weMazuva Ekupedzisira, Chikamu Chechipiri

Chidzidzo 11
Mutungamiri N. Eldon Tanner vakatiyambira kuti tive saKristu mune
imwe nzira. Vakati:
“Zvinoratidzika kuti tese tine tsika huru yekutaura nezvevavakidzani
vedu. ... Nokuda kwechikonzero chisina anoziva zvinoratidzika kuva
nyore kutaura pamusoro pezvakaipa zvemunhu kupinda zvakanaka
zvake. Tinodzokorora mashoko anokuvadza atakanzwa maererano
nemuvakidzani wedu, kunyange ari makuhwa kana chokwadi, uye
iwo, semasora, anoratidzika kukura nekutaurwa. Naizvozvo, zvakakosha
zvikuru kuti titeerere mazwi aIshe panyaya iyoyi.
“Kana tichida kuva vavakidzani vakanaka, tinofanira kutsvaga chokwadi
nenyaya yacho yese, kana kurega kutaura chimwe chinhu. ...
“Nyaya inotevera inotipa chikonzero chekufungisisa. Mumwe
murume akanga aregedza basa aishanda mugadheni make rungwanani
rwezuva rega-rega akaona kuti munhu wemukaka akatanga
kumira kakawanda mangwanani ese pamba pemuvakidzani wake
mhiri kwenzira. Aisvika murume wacho achangobva kuenda kubasa
ogara kwechidimbu chepakati cheawa kana kupfuura. Mudzimai
wacho mudiki akanaka aiva mmishoni muBato reVana vaDiki uye
aigaro pinda mikereke yechirairo.
“Mushure mekunge tsika iyi yeenda mberi kwemasvondo akawanda,
murume uyu akatanga kutaurira vamwe vavakidzani, achiratidza
kushushikana nevana vaaidzidzisa nezvaizoitwa nemuenzaniso wake.
Panguva yaakazonzwa kuti ibasa rake kutaura mamiriro aya kuna bhishopi,
nhau dzemamiriro aya dzakanga dzapararira muwadhi.
“Bhishopi vakanetseka pamusoro penyaya yacho yese vakadaidza
mukuru wedheri kuti vawane zita remurume wemukaka nekubvunza
nezveunhu hwake. Mukuru wedheri uyu akaenda kune munhu
wemukaka akati zvakachenjera, ‘ndiri kuona wava nemutengi mutsva
muLincoln Avenue. Wakawana sei ruzivo rwakakuwanisa mutengi
mutsva?’
“ ‘Ruzivo?’ akadaro murume wemukaka. ‘Mwanasikana wangu.
Anondigadzirira kudya kwamangwanani, mangwanani ega-ega, ini
nemudzimai wangu tinochengeta vana vake manheru eChishanu
chega-chega. Zvakadii izvozvo pachibvumirano?’ ” (Ensign, Kurume
1973, p. 2).
■ Makuhwa kana mazwi akaipa anokuvadza sei munhu? (Funga vese
munhu arikurehwa nezvake nemunhu anoreva.) Kunzvenga guhwa
kunotibatsira kuva saKristu sei muukama hwedu nevamwe?
Zviito zvedu kune avo vakasiyana nesu neimwe nzira zvinoratidza
manzwiro atinoita pamusoro pavo. Kana tichida zvechokwadi kunatswa,
tinofanira kuzvibvunza, “Ndingaratidze sei kugashira, kunzwi-
89