Mudzimai weMazuva Ekupedzisira, Chikamu Chechipiri

Chidzidzo 13
■ Sei zvakanga zvakakosha kuti Vatendi vakare vave nechiitiko chakadai
panguva yakapondwa Joseph Smith?
Chimwe chiitiko chekusangana nemuporofita chinotaurwa naSista
Piriko Valkama Petersen.
■ Ita imwe nhengo yekirasi iverenge nyaya inotevera:
“Muzhizha ra 1952 vanhu vechidiki veku bazi redu vakanga vachinakidzwa
nekembi yeGirl Scout (masikauti echisikana) pedyo neHelsinki,
Finland, uye vachitarisira kushanyirwa kubva kuMutungamiri David
O. McKay. Kasango kakanakisa kakatenderedzwa nemiti yemipiranga
kakasarudzwa senzvimbo yekutambirira mutungamiri, uye sezvo zhizha
racho rakanga rakanaka, takatenda kuti zuva rakakosha iri raizove
rakanakawo.
“Apo nguva yakanga yosvika, uye tichitaura nezvekushanya kwake,
mumwe wevasikana akangoerekana abvunza, ‘Chii chichaitika kuuchapupu
hwedu kana asingaite kana kuratidzika semuporofita?’ Zvishoma
nezvishoma, kukonona kwakatanga kupinda mupfungwa dzedu.
Kusviba kwekukonona uku kwakaratidzika sekwavakuoneka kunze,
sezvo makore, matema akasviba akaungana pamusoro pedu pazuva
rekuuya kwake uye mvura ikauya ichipopomedza. Ndinoyeuka ndakagara
pasi pemuti neshamwari, takatarisa mvura ichirova munyanza,
uye pfungwa dzangu dzichiramba dzichidzokera kukutya kwekuti
muporofita anokwanisa kusagutsa tarisiro dzedu. Ndaiziva kuti haaizosvika
ari munhumbi chena semaporofita vekare vatalona mumifananidzo,
asi kuti aizenge akapfeka semunhuwo zvake. Ndakatya zvakasimba
kurasikirwa neuchapupu hwangau zvekuti dai ndaikwanisa
ndainge ndakatiza. Asi zvakanga zvisingazoitika, ndakanga ndasarudzwa
kupa nhauro yekutambira.
“Patakafamba takananga kukasango, mvura yakapera, asi denga rakanga
rakasviba makore ari makobvu zvekuti kwakaita sekwasviba.
Inifomu dzedu dzemaSikauti dzakanga dzanyorova uye takanga tisisina
rufaro. Muchinyararire . . . takamirira. Nzvimbo yangu yakanga
iri pakati pemutsetse. Ndaifanira kutora nhanho nhatu mberi, ndokwazisa
Mutungamiri McKay nechikwata chake, ndoti kuna Sista McKay
vave nezuva rekuzvarwa rinofadza ndopa ruva kwavari.
“Munzvimbo iyi yakasviba, nyoro kwakauya motokari nhema. Zvino,
apo Mutungamiri McKay vakabuda kubva mumotokari, zuva rakabuda,
uye pakarepo kasango kakazadzwa nechiedza. Mashizha neuswa zvakapenya
apo miunze yezuva yakarova madonwe emvura. Takashamisika
uye kwechinguva tikapofomadzwa nechiedza chikuru ichi.
“Ndakatarisa kune mutungamiri asi ndikasakwanisa kumuona zvakanaka.
Chandaingoona mumvuri veushe kuzuva, chiedza chiri pabvudzi
rake rakanakisa ravakuchena, rakaratidzika sedenderedzwa rechie-
109