Mudzimai weMazuva Ekupedzisira, Chikamu Chechipiri

Chidzidzo 13
“Isu, nokudaro, tinokuridzira nhengo dzese dzine matambudziko kana
mibvunzo inovanetsa kuti vabvunze bhishopi wavo kana mutungamiri
webazi zvakasununguka uye zvizere vowana kubva kwaari rubatsiro
rwavanoda” (First Presidency Letter, 7 Gumiguru 1977). Nhengo dzinofanirawo
kurairana nevadzidzisi vavo vekumba nevekushanya.
Mhedziso
Baba veKudenga vanotida uye vakatipa maporofita ekutitungamira.
Muporofita anova Mutungamiri weKereke haazombotitungamirira
mudondo. Tinofanira kuva neuchapupu hwemuporofita todzidzisa
vana vedu kuteerera kumazwi ake.
Vatungamiri veufundisi vemunzvimbo medu vakadaidzwawo
naMwari kuti vatibatsire. Tinofanira kuvasimudzira maoko nekuvatsigira.
Tinofanira kuda kuteerera kurairo nemazano avo sezvo zvichipiwa
kutitungamira muupenyu hwedu pachedu.
Patinoratidza rudo nerukudzo rwemuporofita wedu nevatungamiri
vemunzvimbo medu, avo vari pedyo nesu vanozonzwa kuda kudarowo.
Zvekuita
Dzidzai nhauro yazvino-zvino yemuporofita. Shandisai dzidziso dzake
muupenyu hwenyu hwemazuva ese. Kurukurai nemhuri yenyu
mabasa emuporofita nevatungamiri veufundisi vemunzvimbo menyu.
Zvimwe Zvinyorwa Zvitsvene
■ 1 Nefi 22:2 (zvinhu zvinoitwa kuti zvizivikanwe nemuporofita
neMweya)
■ Dzidziso neZvibvumirano 21:1, 4–6 (gashirai izwi remuporofita
seririkubva kuna Mwari)
■ Dzidziso neZvibvumirano 43:1–7 (zvakazarurwa kuKereke zvinopiwa
bedzi kuburikidza naiyeyo akasarudzwa)
■ Dzidziso neZvibvumirano 107:71–74 (bhishopi mutongi muIsiraeri)
Gadziriro yeMmishoni
Usati wapa chidzidzo chino:
1. Verenga Musimboti weVhangeri, chitsauko 9, “Maporofita vaMwari.”
2. Sarudza nhengo dzekirasi kuzopa chero nyaya, zvinyorwa zvitsvene,
kana zvakadzokororwa (makotesheni) zvaunoda.
115