Mudzimai weMazuva Ekupedzisira, Chikamu Chechipiri

Chidzidzo 35
Kusanganisira vana vedu mumushando yemhuri kuna vamwe kunokwanisa
kutibatsira kuona maropafadzo edu. Kuburikidza nezviito
zvemushando izvi, tinokwanisa zvino kutaridza rutendo rwedu
nemaropafadzo anoita kuti tikwanise kushanda.
Zvakakosha kuti tipe minamato yerumbidzo nerutendo mumhuri
dzedu. Mutungamiri N. Eldon Tanner vakayeuchidzwa nezve musimboti
uyu nemwanasikana wavo: “Ndakabatwa zvakadzama chaizvo
mumoyo mangu rimwe zuva mushure memunamato wedu wemhuri
apo mumwe wevasikana vedu vadiki akati, ‘Baba, handifungi kuti
tinofanira kukumbira mamwe maropafadzo. Ishe vanga vakanaka chaizvo
kwatiri asi ndinofunga kuti tinofanira kuvakumbira kutibatsira
kuva vakakodzera maropafadzo atinotambira kubva ipapo tinoedza
zvakasimba kutaura rutendo rwedu kuna Baba vedu Vokudenga” (Seek
Ye First the Kingdom of God [1973], pp. 159–60).
■ Kutaura rutendo mumunamato kunokwanisa kudzidzisa mhuri sei
kuti dzione maropafadzo adzo?
Magumo
Rutendo kunzwa kunofanira kuonekwa muhupenyu hwedu tose,
zvese semunhu pachake uye semhuri. Takaropafadzwa zvikuru
naBaba vedu Vokudenga uye tinofanira kutaura nguva dzose rutendo
kwaVari nemaropafadzo avo. Apo tinopa rutendo rwedu kunaBaba
Vokudenga navamwe, tinozobatsira vana vedu kukudziridza rutendo.
Tinozonzwa rudo rukuru mumhuri dzedu. Takavimbiswa naBaba
Vokudenga: “Uyo anotambira zvinhu zvose nerutendo achapiwa
mukurumbira; uye zvinhu zvepasi pano zvichawedzerwa kwaari, kana
kakapetwa kazana, hongu kakawanda” (D&Z 78:19).
Zvokuita
Funga nezve avo vanhu vanoita zvinhu zvenyasha kwauri (shamwari,
vadzidzisi, vatungamiri vehufundisi, vabereki, dzimwe
nhengo dzemhuri, vashandi), uye wana nzira dzokutaridza rutendo
rwako kwavari.
Kurukura rutendo nemhuri yako mumanheru emhuri pamba. Batsira
vana vako kupa rutendo kuna vamwe. Wedzera rutendo runotaurwa
muminamato yenyu yemhuri. Sarudza munhu mumwechete wamunotenda
naye uye itai chimwe chinhu vhiki rino kutaridza rutendo
rwenyu.
Zvimwe Zvinyorwa Zvitsvene
■ Mapisarema 100 (pisarema rokuvonga)
■ 1 VaTesaronika 5:18 (muzvinhu zvose ipai rutendo)
■ 1 Timotio 2:13 (rairo kupa rutendo)
338