Mudzimai weMazuva Ekupedzisira, Chikamu Chechipiri

Chidzidzo 17
“Ai uya mumba medu kakawanda. Paaiuya, aidaidza mumwe nemumwe
wevana vedu nezita achitaura navo semunhu ega- ega.
Aiteerera zvakanyatsonaka kune zvese zvavaitaura. Vaiziva kuti aive
nehanya navo.
“Pakaropafadzwa vana vedu, akamira neni mudenderedzwa revarume
veufundisi. Apo vana vedu vakanga vosvika zera rekubhabhatidzwa,
akataura navo pamusoro pekukosha kwechisungo chikuru ichi.
Pavakadzika kupinda mumvura, akanga aripo sechapupu akafara
nesu. Maoko ake akaiswa pamisoro yavo pamwechete neangu pandakavasimbisa
senhengo dzeKereke. Apo mwanakomana wedu mukuru
akava mudhikoni, murume uyu akauya kuzoita makorokoto.
“Pandaienda kunze kweguta nebasa, airidza runhare kumba kwangu
zuva rega-rega kubvunza pamusoro pemagariro emhuri yangu.
Svondo rega-rega pataipinda mukereke, aititsvaga okwazisana nesu.
Imwe nguva pandairwara, iye nemumwe Mukoma vakauya kumba
kwangu vakazondiropafadza. Aiwanzopfugama nemhuri yedu achinamata
nesu.
“Akanga asingambotiparidzira, kunyange kuteerera kwaaiita kwatiri
kwaitiita kuti tide kuita zvirinani. Akanga asingaziikanwe semmishoni
anozivisisa kuna mufundi mukuru, asi kubva uye nekuburikidza naye
tainzwa simba neuchenjeri. Airatidza mweya waikonzera kumukudza
nekuvimba naye. Zvakanga zvisiri zvaaitaura zvakatishandura asi zvakanyanya
sezvaakanga ari” (George Durrant, “The Man I Remember
Best,” Improvement Era, Chivabvu 1970, p. 42).
■ Ita kuti nhengo yekirasi itaure pamusoro pemabatsirirwo akaitwa
mhuri yake nevadzidzisi vekumba.
Mhedziso
Vadzidzisi vekumba vanomirira Ishe, bhishopi kana mutungamiri
webazi, nechikwata cheufundisi kusimbisa mhuri pamweya, panyama
nepfungwa. Vanokwanisa kubatsira mhuri nevanhu pachavo vavakasarudzirwa
kunakirwa nezvirongwa zveKereke nekuvakurudzira
kuzadzikisa mabasa avo eKereke neemhuri. Vadzidzisi vekumba vanoshanda
nemusoro wemhuri yega-yega kusimbisa imba nekugadzirira
mhuri kuruponeso.
Zvekuita
Kokai vadzidzisi venyu vekumba kuzonakirwa nenguva yemanheru
yemhuri yakakosha nemhuri yenyu pamamwe manheru asiri
eMuvhuro. Daidzai vadzidzisi venyu munguva dzekuda rubatsiro.
Garai muchivazivisa nezvezvinodiwa nemagariro zvemunhu pachake
nezvemhuri.
151