Mudzimai weMazuva Ekupedzisira, Chikamu Chechipiri

■ Verengai VaEfeso 4:11–14. Zvikonzero zvipi zvitatu zvakapiwa
naPauro zveurongwa hweKereke?
Chidzidzo 12
■ Ita kuti nhengo yekirasi yakasarudzwa itaure pamusoro pechikamu
“Kereke yaKristu Yakarongwa Zvakare” muchitsauko 17
cheMusimboti weVhangeri.
■ Verengai musoro wenyaya weDzidziso neZvibvumirano 20.
■ Kurukurai zviumbu zveKereke zvinotevera:
Mhuri
“Mhuri ndicho chiumbu chinokosha cheKereke yaJesu Kristu
yaVatendi vaMazuva Ekupedzisira uye chiumbu chemagariro chinokosha
munguva nekusingaperi. Mwari vakamisa mhuri kuunza rufaro
kuvana Vavo, kuvabvumira kudzidza misimboti chaiyo munzvimbo
ino rudo, nekuvagadzirira upenyu usingaperi” (Bhuku Rekutungamira
Mhuri [1999], p. 1).
Wadhi neBazi
Munguva yekuparidza kweMuponesi kwenyama, Akaronga Kereke
Yake panyika. Mushure mekufa kwake, kereke dzevatendi dzakasangana
pamwechete kunamata, kudzidza vhangeri nekusimbisa nekushandirana.
Nhasi nhengo dzeKereke yaJesu Kristu yaVatendi
vaMazuva Ekupedzisira dzakarongwawo mumakokorodzano.
Chinangwa chekereke idzi kubatsira vanhu vese “kuuya kuna Kristu,
nekunatswa maari” (Moroni 10:32). Kereke huru dzinonzi mawadhi
uye dzinotungamirwa nabhishopi.
■ Ratidza mufananidzo 12-c, “Mukereke webazi musvondo diki.”
Kereke diki dzinonzi mapazi uye dzinotungamirwa nemutungamiri
webazi. “Bazi rinokwanisa kurongwa kana mhuri mbiri dziri nhengo
dzichigara munzvimbo uye mumwe wenhengo idzi ari mubati
weUfundisi hwaMerkizedeki akakodzera kana muprista akakodzera
muUfundisi hwaAroni. Utungamiri hwehoko, siteki, mishoni, kana
dunhu hunoronga nekuona bazi (Bhuku Rinotungimira Bazi [1993],
p. 1). Bazi rinokwanisa kukura kuita wadhi.
Siteki neDunhu
Nzvimbo zhinji dzematunhu kwakarongwa Kereke dzakakamurwa kuitwa
siteki. Kazhinji kune mawadhi nemapazi mashanu kusvika kugumi
nemaviri musiteki, inotungamirwa nemutungamiri wesiteki. Masiteki
anoonekwa nekugashira gwara kubva kuVatungamiri weNharaunda.
Dunhu chikamu chemishoni. Kana pava neuwandu hwakakwana hwemapazi
ari munzvimbo inobvumira kutaurirana kuri nyore nekufamba
kumikereke yedunhu kusinganetse, dunhu rinorongwa. Vatungamiri
99