Mudzimai weMazuva Ekupedzisira, Chikamu Chechipiri

Baba Vokudenga vanoteerera patinotaura kwaVari.
■ Verenga 1 Johane 5:14–15.
Chidzidzo 34
Baba vedu voKudenga vanopindura minamato yedu kana tichizvininipisa
uye tichikumbira maererano nechido Chavo.
■ Verenga Dzidziso neZvibvumirano 112:10.
Kuzadzikisa Zvidikanwi Zvako Pachako Kuburikidza neMunamato
Kana tiri tinoda kutaurirana zvinoreva chinhu naBaba voKudenga
kuburikidza nemunamato, tinofanira kupedza nguva tiNavo.
“Mumwe mudzidzisi wechitendero akapa zano kukirasi yake rokuti
vapedze nguva isiri pasi pemaminitsi gumi nemashanu pazuva
mumunamato wemunhu pachake. Izvi zvaitaridzika kunhengo zhinji
dzemukirasi sechinhu chakarebesa zvisinakufanira! Mumwe mudzidzi
akauya kwaari pashure akati, ‘Handibvumi kuti ndingafunga zvakawanda
kudaro zvokutaura’ ”
“Mudzidzisi akabvunza, ‘Haupedzi here nguva yakadaro zuva nezuva
uchitaura neshamwari yako yaunogara nayo?’
“ ‘Chokwadi,’ musikana wechidiki akapindura.
“ ‘Saka ipa pfungwa,’ akadaro mudzidzisi, ‘pakuti sei unezvakawanda
zvokutaura neshamwari yako kupinda zvaunoita naIshe’ ” (Karen
Lynn, “Prayer: The Heart of the Sabbath,” Ensign, Ndira 1978, p. 31).
■ Kufungisisa maropafadzo ake nezvidikanwi zvake kwakabatsira sei
musikana wechidiki uyu kuwana zvakawanda zvokutaura muminamato
yake?
■ Sei zvakakosha kuti tidzidze kuzadzikisa zvidikanwi zvedu kuburikidza
nemunamato?
■ Verenga Aruma 37:37 Ishe vanotinropafadza sei patinonamata?
Hatifaniri kupima mwero wemisoro yenyaya dzomunamato.
Panekudaro, tinofanira kubatanidzira Baba voKudenga muzvinhu
zvose zviri maererano nehupenyu hwedu pachedu—basa redu, dzimba
dzedu, uye matambudziko edu pachedu.
■ Verenga Aruma 34:17–28.
Tinofanira kunamatira kuziva zvokutaura muminamato yedu.
Panguva yekushanya kweMuponesi kunyika yeAmerica, vanhu vaNefi
vakafemerwa muminamato yavo. “Zvakapuwa kwavari kuti vanofanira
kunamata” (3 Nefi 19:24). Apo tinonamata neMweya Mutsvene
somutungamiri wedu, Anounza pfungwa dzakawanda nekunzwa
kwakawanda kwatiri.
323