Mudzimai weMazuva Ekupedzisira, Chikamu Chechipiri

Chidzidzo 10
Mumwe nemumwe wedu anopiwa uwandu hwemaawa akaenzana
muzuva rega-rega. Mutungamiri Brigham Young vakati: “Zvino, masista,
. . . munofanira kufunga nguva yenyu sendarama, upfumi. ...
Ngatifungei izvi, tirege kugara nemaoko akapetwa, tichipedza nguva,
nekuti ibasa remurume wese nemukadzi wese kuti aite zvose zvinokwanisika
kusimudzira Umambo hwaMwari panyika” (Discourses of
Brigham Young, sel. John A. Widtsoe [1954], p. 214).
■ Ita kuti nhengo yekirasi ataure marongero aanoita nguva yake kuti
apedze basa rake reKereke uye achishanda mune dzimwe nzira.
Tingashandise zvakadii nguva yedu zvine uchenjeri kuti tivake umambo
hwaMwari?
Mumwe nemumwe wedu akapiwawo matarenda nekwaniso zvatingashandise
mukuvaka umambo hwaMwari. Izvi zvipo zvinokosha kubva
kuna Baba vedu veKudenga.
Mutungamiri Brigham Young vakapa rairo iyi: “Kana ukapa chinhu
chese-chese kuitira kuvaka Umambo hwaMwari, ipa chakanakisisa
chauinacho. Chii chinhu chakanakisisa chauinacho kupira kuUmambo
hwaMwari? Matarenda awakapiwa naMwari. ... Ngatipirei unyanzvi
hwese hwatiinahwo mukuvaka umambo hwaMwari, unozozadzikisa
zvese zvazvo” (Discourses of Brigham Young, p. 445).
Sista JoAnn Ottley vakataura chiitiko mukudzidza kuvaka umambo
hwaMwari. Ishe vakapa Sista Ottley nemurume wavo, Jerold Ottley,
matarenda akakosha emumhanzi. Vakanga vapedza nguva yese yeupenyu
hwavo vachidzidza nekukudziridza zvipo izvi. Vakaita sarudzo
dzakawanda maererano nekushandiswa kwawo. Pavakanga vari
kuEurope vachidzidza, vana Ottely vakaona kuti vakanga vaine sarudzo
yakanyanya kukosha nekuoma yekuita. Vese vari vaviri vaiziva
kuti vakaramba vari muEurope, vaikwanisa kuve nemikana yakawanda
yekubudirira. Vaida kupinda zvimwe zvese, zvisinei, kuita zvaidiwa
naIshe kuti vaite. Vana Ottley vakada kuteerera, asi kupfuura
izvozvo vaida kushandira Ishe mukuvaka umambo Hwavo pano pasi.
Mukoma naSista Ottley vakadzokorora kutsanya nekunamata kuti
vazive chido chaIshe. Mhinduro yavo yakauya mumukereke wechirairo
pakupera kwenguva yekutsanya. Vese vari vaviri vakanga vagashira
neMweya mirairo yakafanana—kuti basa ravo rakanga riri
kumba. Vana Ottley vaifanira kudzokera kuUnited States.
Kwakatevera mimwe mwedzi yekudzidza, kugadzirira, nekuzemenwa.
Ishe vakaita kuti vakwanise kudzokera kuSalt Lake City. Sista Ottley
vakava nhengo yeVaimbi veTarbenekeri, uye Mukomo Ottley vapinda
muChikweta cheKuimba paYunivhesiti yeUtah. Munguva pfupi,
Mukoma Ottley vakadaidzwa neHutungamiri Hwekutanga kuimbisa
79