Mudzimai weMazuva Ekupedzisira, Chikamu Chechipiri

RUBASTIRO
RWEKUTANGA
MUKURAPA, CHIKAMU 2:
KURAPA MAKUVARO
210
Chidzidzo 24
Chinangwa chechidzidzo chino kutibatsira kudzidza kupa rubatsiro rwekutanga
pakukuvara kunoitika nguva dzose uye mamwe matambudziko.
Gadziriro yoKupa Rubatsiro Rwekutanga
Nguva dzose zvirinani kudzivirira makuvaro. Mienzaniso mizhinji
yenzira dzokudzivirira njodzi nemakuvaro yakakurukurwa muchidzidzo
23, “Rubatsiro Rwekutanga Mukurapa, Chikamu 1: Kudzivirira
noKugadzirira Makuvaro,” mubhuku rino. Zvisinei, nyangwe nedziviro
dzose, mamwe makuvaro anoitika chete, uye tese tinofanira
kudzidza kupa rubatsiro rwekutanga mukurapa makuvaro anonyanya
kuitika.
Apo pese panokuvara munhu, gadzirisa matambudziko acho zvichienderana
nokukosha kwavo kuitira kuraramisa upenyu hwemunhu
akuvara: (1) Bvisa munhu akuvara kubva panzvimbo ine njodzi yacho,
sezvakaita imba iri kutsva, asi, haufaniri kusudurutsa munhu akuvara
kusara kwekunge paine dambudziko rokuti munhu wacho anozonyanya
kukuvara kana akasabviswa paanenge ari; (2) ita kuti akwanise
kufema zvakare uye kuti moyo wake ushande zvakare nokumupa
rubatsiro rwekufema uye CPR (cardiopulmonary resuscitation) kana
zvichidikanwa; (3) misa kubuda kwe ropa kunenge kwakakura;
(4) tarisa kana pane mukana wekuti chepfu yadungwa; (5) rapira
zviratidzo zvekuti munhu apfizuka; uye (6) ipa rumwe rubatsiro
rwekutanga kana ruchidikanwa.
Kana makuvaro achida ipi zvayo yenhanho dzokutanga shanu dzataurwa
pamusoro, tsvaka rubatsiro kubva kune veutano. Kana vamwe
vanhu varipo, munhu mumwe anokwanisa kutsvaka rubatsiro kubva
kuchipatara kana kuna dokotera vamwe vachitanga kuedza kuita kuti
moyo wemunhu ushande zvakare uye kuti akwanise kufema zvakare.
Apo unoshanda kugadzirisa matambudziko, yeuka kudzikama nekusimbisa
munhu wacho akuvara.