Mudzimai weMazuva Ekupedzisira, Chikamu Chechipiri

Chidzidzo 18
Mukuru Joseph B. Wirthlin vakatsanangura:
“Kereke harimise simba rekubatsira kwaro kunhengo dzaro asi rinotevera
kuraira kweMuporofita Joseph Smith paakati, ‘Munhu akazadzwa
nerudo rwaMwari, haagutsikane nekuropafadza mhuri yake chete, asi
anoda kubatsira munhu wese munyika, anodisia kuropafadza rudzi
rwese rwemunhu.’ Akaraira nhengo ‘kugutsa vane nzara, kupfekedza
vakashama, kuwanira shirikadzi, kuomesa misodzi wenherera, kunyaradza
vanorwadziwa.
“Mumakore anopfuura gumi zvishoma, Kereke rakatumira matani zviuru
makumi maviri nenomwe embatya, matani zviuru gumi nenhanhatu
ezvekudya, nematani zviuru zvitatu emushonga yekurapa nezvinhu
zvedzidzo nezvinhu zvekuyamura kutambudzika kwemamiriyoni evana
vaMwari munyika zana nemakumi mana nenhanhatu muzvikamu zvakawanda
zvenyika. Hatibvunze, ‘Muri nhengo dzekereke redu here?
Tinobvunza chete,’ Muri Kutambudzika here?’ ” (mu Conference Report,
Kubvumbi 1999, p. 100; kana Ensign, Chivabvu, p. 77).
Chiitiko chinotevera chinoratidza kugadzirira kweKereke kuri kushanda;
“Mumafashamu akaparadza muRapid City, South Dakota [USA],
Vatendi munzvimbo iyoyo vakadaira pakarepo kubatsira vakanga
vawira mudambudziko remapopoma emvura. Zvipfeko, zvekufuga,
nekudya kunodziya zvakapiwa kuburikidza nesimba rechirongwa
cheKereke chemunzvimbo imomo. ... Rori izere imwechete bedzi
yezvinhu zvakaita sekudya kwevacheche, mitambo, nemagumbeze
ndizvo zvakabva kure” (Junior Wright Child, “Welfare Is the Church,”
Ensign, Gunyana 1973, p. 71).
Mukuru Russell M. Nelson vakatsanangura kuti “simba rakadaro remubatandizwa
kubatsira vavakidzani vari mumatambudziko rinokunda
miganhu inoiswa nezvitendero, rudzi, neunhu. Zviito zvakanaka izvo
rudo rwemazuva ekupedzisira rwuri kushanda!” (mu Conference
Report, Kubvumbi 1994, p. 91; kana Ensign, Chivabvu 1994, p. 70.)
Tinofanira kugadzirira seKereke, sevanhu pachavo, uye semhuri kuti
tizviwanire, tiwanire mhuri dzedu nevamwe. Kana Kereke rarongwa
zvizere munzvimbo medu, tinokwanisa kushanda pamwechete kugadzirira
kudya, zvipfeko, nezvinhu zvemumba zvinozo shandiswa
muzviitiko zvinongoerekana zvavapo. Nenzira iyi, avo vanoda rubatsiro
uye vane mhuri dzaita zvose zvavanokwanisa vanokwanisa
kuwana rubatsiro urwu. Kana tikabatsirana nenzira dzose dzatinokwanisa,
tinozokodzera kugashira rubatsiro kana tichirwuda.
Mhedziso
Ishe vakaratidza kuti matambudziko mazhinji achauya pamusoro pevagari
venyika mumazuva ekupedzisira. “Vakavimbisa, zvisinei, kuti,
161