Mudzimai weMazuva Ekupedzisira, Chikamu Chechipiri

Chidzidzo 27
Chinotevera, tinofanira kuronga semhuri kubudirira pamabasa aya.
Zvakakosha kuti tironge nokusarudza nzvimbo imwechete panguva
yokushanda pairi. Zvino tinofanira kuwana zvinhu zvakafanira zvokushandisa,
maturusi nezvimwe zvakadaro kuitisa basa ratasarudza.
Tinofanira kusanganisira nhengo dzemhuri nokuvabvumidza kuita
mabasa anoenderana nekwaniso dzavo.
Chokupedzisira, tinofanira kuita basa racho pamwechete semhuri.
Munhu ega ega ari kuita basa anofanira kutora rudado nokunzwa
kugutsikana muchikamu chake chokupedza basa. Nenzira iyi, purojekiti
yega yega inokwanisa kunakidza nokupindutsa mhuri yose.
Zvinhu zvizhinji zvinokwanisa kubudirirwa pazviri apo mhuri padzinoronga
nokushanda pamwechete.
■ Ndeapi mapurojekiti okunatsa nokunakisa mumba anokwanisa
kuitwa nemhuri yako anotora mari shomashoma kana kuti asingatori
mari zvachose?
Tinofanira Kuunza Mweya Mudzimba Dzedu
■ Taridza mufananidzo 27-c, “Matemberi akachena uye akanaka.”
■ Chii chinonyanya kukufadza pakutaridzika kwetemberi? Sei matemberi
achichengetwa akachena nokunaka kudaro?
Kuita Kuti Mumba Muve neMamiriro ePanyama Anofadza
MuDzidziso neZvibvumirano tinoudzwa kuti kana chipi zvacho chisina
kuchena chikabvumidzwa kupinda mumba maIshe, kubwinya
kwaIshe hakuzovimo; haagari mumatemberi asiri matsvene (onai D&Z
94:9; 97:15–17). Nokuti tinoda kuva neMweya waIshe mumatemberi
aVo matsvene, tinoachengeta akachena uye akanaka nokuyambira zvinyoro
nyoro avo vose vanopinda kuti vave vakakodzera kushumiramo.
Tinodawo Mweya waIshe mudzimba dzedu. Tinofanira, naizvozvo,
kutevera yambiro nyoro nyoro yevatungamiri veKereke
kuchenesa nokurongedza nzvimbo dzatinogara, tichiinakisa nepatinogonera
pose mukati nekunze kwedzimba dzedu.
Nzvimbo dzinonakidza kutarisa uye dzakarongedzwa zvakanaka dzinokwanisa
kuita zvakawanda kutibatsira kunakirwa nohupenyu.
“mumwe sista anotaura nezvenguva yakaoma muupenyu hwake apo
paakarasikirwa neshamwari nehama nokuda kwekutendeukira kwake
kuKereke.” Akati, “Ndakamanikidzwa kutora kaimba kadiki.” Uye,
apo ndaitarisa kusviba nokusachengetwa kwako, kusuwa kukuru kwakauya
mandiri pakarepo ndakanzwa kazwi kemukati kachiti, “imba
yaIshe imba yakarongwa.” Ndakabvisa cheni dzokuzvinzwira tsitsi,
ndikapeta maoko embatya dzangu, ndikashanda zvinegwara kusvikira
kamba kangu kachena uye kava kunakidza. ... Mweya mutsva wakanga
wazvarwa” (Relief Society Courses of Study, 1978–79, p. 69).
256