Mudzimai weMazuva Ekupedzisira, Chikamu Chechipiri

Chidzidzo 23
■ Tinokwanisa kuchengetera pai midziyo ine njodzi iyi kudzivirira
kuti njodzi dzisaitika? Ndedzipi shanduro dzatingaita munzira dzatinoshandisa
midziyo ine njodzi isu pachedu kana vana vedu?
Mamiriro eZvinhu ane Njodzi
Mamiriro ezvinhu anokwanisa kupedzisira nenjodzi anosiyana kubva
munzvimbo nemunzvimbo, uye kunyangwe kubva mumba nemumba
Zvisinei, mamwe mamiriro akafanana kwese kwese uye anokwanisa
kushandurwa kudzivirira njodzi.
Makuvaro mazhinji anoitika apo vanhu pavanokwira pamusoro pechinhu
chisina kutsiga vachiedza kunanavira kunzvimbo dziri pamusorosoro
mumba kana muchivanze mavo. Kudzivirira kukuvara kwakadaro,
nyatsosarudzai chinhu chokukwira chakatsiga uye chakasimba,
kana kuti itai, kuti mumwe munhu abate akatsigira chinhu chacho.
Apo tinotora nguva kuita izvi, kazhinji tinokwanisa kudzivirira
kukuvara kukuru.
Makuvaro anokwanisika kuitikawo apo patinotsvedza pachinhu chinenge
chadeurirwa pasi chikasapukutwa. Zvirinyorewo kuputsika
nokuda kwechinhu chakaita setoyi inenge yasiwa paisingafaniri kunge
iri. Dzimwe mhuri dzinoona zvichibatsira kutevera murairo wekugaroisa
zvinhu munzvimbo dzazvo pakarepo pazvinenge zvisisiri kushandiswa.
Izvi zvinoderedza zvikuru mukana wekuti munhu aputsike
pachinhu chaanga asingafugire kuti chiripo.
■ Ndeapi mamiriro ezvinhu angokonzera kuputsika?
■ Ndezvipi zvinhu zvingaitwa kudzivirira njodzi?
Dzivirirai kusiya vana vasina akavatarisa panzvimbo pavanokwanisa
kupiswa nemvura inopisa kana pane njodzi yekunyura mumvura
(kusanganisira mabhavhu nemuzvimbuzi). Dzivirirai kubvumidza
vana kutamba nezvinhu zvinoshandisa magetsi, apo panenge paine
njodzi yekugwinhwa kana kupiswa. Shandisai zvokuvharisa pamaburi
ese amagetsi anenge asiri kushandiswa. Isai magedhe anodzivirira
vana pamusoro pemasitepisi mumotokari. Vana ngavasungwe nemabhande
epazvigaro kana vachinge vari mumotokari. Chengetai mapurusitiki,
tambo, uye zvimwe zvinhu zvidiki zviri kusingasvikirwe
nevana.
Njodzi dzemumba kazhinji dzinoitika kunzvimbo inobikirwa. Mune
dzimwe dzimba umo munobikirwa pamoto wehuni unenge uri pasi
kana kuti uri pedyo nepasi, vana vadiki kazhinji vanotsva nokuswedera
pedyo zvakanyanya nemoto. Zvingava zvisina njodzi kukwidza
choto nemafiti mashoma kubva pasi, kudzivirira vana kubva mukukambaira
vachienda pedyo nemoto uye nokudzivirira guruva netsvina,
zvinosimudzwa netsoka dzedu, kuti zvisapinda mune zvokudya.
205