Mudzimai weMazuva Ekupedzisira, Chikamu Chechipiri

Chidzidzo 20
■ Ndeapi makomborero anokwanisa kuuya kubva mukutora chinhanho
muzvisungo zvokuitira madziteteguru edu akafa?
Kurangarira Madziteteguru Edu
Kutanga kuzadzikisa mabasa edu enhoroondo yeMhuri, mumwe
nemumwe wedu anokwansia kunyora pasi mazita ehama dzake dzakafa
dzaaiziva kana dzaanorangarira. Hapana zvinhu zvokushandisa
zvakakosha zvinodikanwa. Mazita atanyora pasi aya anokwanisa kutibatsira
kuziva hama dzakafa dzisina kutambira zvisungo zveruponiso
zvemutemberi zvadzo. Kunyangwe kana madziteteguru edu aiva nhengo
dzeKereke pakutanga kwayo kana kuti vamwe mumhuri dzedu
vakatoshanda panhoroondo yemhuri, tinokwanisa kazhinji kuziva
hama dzakafa idzo dzisati dzaitirwa basa remutemberi.
■ Govera mapenzuro nemapepa kukirasi. Ita kuti masista anyore pasi
hama dzakafa dzavanorangarira, zvino chiita kuti vadome avo vakafa
vasina kutambira zvisungo zvemutemberi, kana zvichikwanisika.
Kana taziva hama dzisati dzaitirwa basa remutemberi, tinofanira kuita
chokwadi kuti raitwa. Mutungamiri Gordon B. Hinckley vakasimbisisa
kukosha kwetemberi pabasa renhoroondo yemhuri. “Kushanda kwakakura
kwedu munhoroondo yemhuri kwakanangiswa kubasa remutemberi.
Hakuna chimwe chinangwa mukuriita. Zvisungo zvemutemberi
zvinova maropafadzo apamusorosoro anopiwa neKereke” (mu
Conference Report, Kubvumbi 1998, pp. 115–16; kana Ensign, Chivabvu
1998, p. 88).
■ Taridza mufananidzo 20-b, “Murairidzi wenhoroondo yemhuri anokwanisa
kutibatsira nebasa renhoroondo yemhuri.”
Murairidzi wenhoroondo yemhuri muwadhi, bazi, kana siteki anokwanisa
kutibatsira kugadzirira ruzivo runozodikanwa nevekutemberi zvisungo
zvisati zvagona kuitwa. Zvinyorwa zveKereke pamusoro
penhoroondo yemhuri, vatungamiri vehufundisi vemunzvimbo, uye
matemberi anofanira kuvawo nemirairo iyi.
■ Kurukura nenhengo dzekirasi nzira nezvidikanwa zvekugadzirira
mazita ekuitira basa remutemberi. Kana zvichi kwanisika, suma
murairidzi wenhoroondo yemhuri uye woita kuti atungamirire hurukuro
iyi.
Pamusoro pokuitira zvisungo zvemutemberi madziteteguru edu atinorangira,
tinofanira kufunga mamwe madziteteguru. Tinokwanisa kutaura
nevabereki, vanasekuru nanambuya, vanatete, vanababamunini nanamainini,
madzikoma nevanina vemumhuri uye dzimwe nhengo dzimhuri.
Vangangorangarira vanhu vatingange tisingazive. Tinokwanisa
kuita kuti basa remutemberi raitirwa madziteteguru ayawo.
176