Mudzimai weMazuva Ekupedzisira, Chikamu Chechipiri

Chidzidzo 12
Kuburikidza nesimba reufundisi nezvakazarurwa zvitsvene, muporofita
anotungamira mabasa eKereke semutungamiri wayo. Nhengo
dzeKereke dzinorairwa kuteerera kumazwi emuporofita sekutungamirwa
kwaanoitwa nezvakazarurwa. Maererano nevaporofita Vavo, Ishe
vakaraira kuti tinofanira kugashira mazwi avo sekunge arikubva
mumuromo Mavo, mukuva nemwoyo murefu uye nekuvimbika
(onai D&Z 21:5).
Mukuru Gordon B. Hinckley vakataura nezve muFilipino mudiki,
David Lagman, akanzwa kudikanwa kwemuporofita paakatanga
kuziva nezveKereke:
“Paakanga ari mukomana [David Lagman] aka wana mugaba remarara
bhuku dzaru rakabvaruka reReader’s Digest. Rakanga riine mumazwi
mashoma bhuku raipa nyaya yevanhu vechi Momoni. Raitaura
nezvaJoseph Smith richimutsanangura semuporofita. Izwi rekuti muporofita
rakaita zvimwe zvinhu kumukomana iyeyo. Kuti zvirokwazvo
kungave nemuporofita panyika? Akafunga. Bhuku racho rakarasika,
asi pfungwa yekuvapo kwemuporofita arikurarama haina kumbomusiya
mumakore mazhinji matema ehondo neudzvinyiriri pakanga
maPhilippines akapambwa. Pekupedzisira rusununguko rwakauya,
uye narwo kuvhurwa kweClark Air Base. David Lagman akawana
basa ikoko. Mukuru wake, akanzwa aiva muMomoni, mushandi
weAir Force. Aida kumubvunza kana aitenda mumuporofita, asi aitya
kudaro. Pekupedzisira . . . akawana simba rekubvunza.
“ ‘Muri muMomoni here changamire?’ mujaya akabvunza. ‘Hongu,
ndiri,’ yakava mhinduro yakatwasuka. ‘Munotenda mumuporofita,
mune muporofita here muKereke menyu?’ wakauya mubvunzo
wekuda kuziva.
“ ‘Tinaye muporofita, muporofita arikurarama, anotungamira
muKereke ino anodzidzisa kuda kwaIshe.’
“David akakumbira musoja uyu kuti amutaurire zvimwe, uye kubva
mukudzidzisa ikoko kwakauya rubhabhatidzo rwake. Akave Mukuru
wekutanga mugari wenyika iyoyo kugadzwa muPhilippines” (mu
Conference Report, Gumiguru 1973, p. 162; kana Ensign, Ndira 1974,
p. 122).
Kereke yakamiswa neMuporesi paakanga Achigara panyika yakaramba
yakabatana nemashoko, tsamba, nekushanya kwevaapositora—sezvakaita
Kereke nhasi, pasi peutungamiri utsvene, inotungamirwa nekubatanidzwa
nemaporofita nevaapositora. Utungamiri hukuru uhwu neurongwa
mucherechedzo weKereke yaJesu Kristu yechokwadi.
Mamiriro eUrogwa hweKereke
■ Ratidza posita rine chipupuriro chechitendero chechitanhatu, kana taura
nezvacho pabhodhi. Ita kuti nhengo yekirasi iverenge ichidaidzira.
98