Mudzimai weMazuva Ekupedzisira, Chikamu Chechipiri

KUTARIRIRA
DZIMBA DZEDU
Chidzidzo 27
Chinangwa chechidzidzo chino ndechekutikurudzira kutevera rairo
yomuporofita kunatsa mamiriro epanyama neepamweya emudzimba
dzedu.
Tinofanira Kuchengeta Dzimba Dzedu Dzakachena Nokurongedzwa
Zvakanaka
Mumwe sista akanga achangobva kunoshanya kuHolland akataura:
“Chinhu chinomira pachena chatakaona tiri muHolland kwaiva kuti
dzimba dzomunyika diki diki iyi dzinehunhu wakasarudzwa.
Pamawindo pedzimba idzi dzinematenga matsvuku panogara pakazara
nemitsetse yemagaba emaruva—kazhinji anenge ari mageraniums.
Mawindo acho makuru— asina kana sikirini kana maketeni anoavhara.
Mawindo anopenya aya anowedzera kurunako rwehunhu
hwemba. Dzimba zhinji dzacho dzinemazita. Pamusoro pemukova
unokwanisa kuona mazita akaita sa: Sunny Corner, Sunbeam, Sun
Cottage, Peace Haven, Tranquility, kano kuti peaceful Nook. ...
Madziya nemushana nerujeko, pamwepo nerunyararo norugare nokugadzikana!
IZVI NDIZVO ZVINHU ZVINOITA IMBA MUSHA!”
(Daryl V. Hoole, The Art of Homemaking [1967], pp. 117–18).
■ Unonzwa sei apo paunoona imba yakachena uye yakarongedzwa
zvakanaka?
■ Kuchengeta mumba mako nechivanze chako zvakachena kunotaridza
sei rutendo rwako kunaBaba Vekudenga?
Mawindo akachena, magaba emaruva akanaka, mabhasikiti okuturika,
nemabhokisi epamawindo zvinotaridza hunhu hwako pachako iwe.
Mabindu zvivanze, mafenzi, nedzimba dzokunze zvinochengetwa zvakanaka
zvinotaridza kunyika kuti tirikuzadzikisa basa redu rokutarira
zvakatikomberedza.
Ishe vakapa vanhu mirairo muGadheni yeEdeni “kuishongedza, nokuichengeta”
(Moses 3:15). Ishe vanoda izvi kubva kwatiri nhasi
251