Mudzimai weMazuva Ekupedzisira, Chikamu Chechipiri

Chidzidzo 15
Makomborero mushure meDambudziko
■ Verengai Johane 16:33. Ishe vanotivimbisa kuti tinokwanisa kuva
nerunyararo kunyange tiine dambudziko.
Jobho, akatarisana nedambudziko guru, akagashira makomborero
ake mushure mekushingirira. Ishe vakatambira Jobho vakamupa
“zvakapetwa kaviri pamusoro pezvaakanga ainazvo kare. ...Ishe
vakakomborera mhedzisiro yaJobho kupinda kutanga kwake”
(Jobho 42:10, 12).
■ Verenga Dzidziso neZvibvumirano 58:2–4. Sei tichifanira kuramba
takarurama kunyange munguva yekutambudzika. Makomborero
api awakawana pakuramba wakarurama panguva dzekutambudzika
idzi.
Kunyange apo Jesu Kristu paakagashira kubwinya kwake mushure
mekunge Ashingirira zvinhu zvese, nesu tinokwanisawo. “Uyo anoramba
akashinga uye asinga kundikane, mumwecheteyo achaponeswa”
(Joseph Smith—Mateo 1:11).
Mhedziso
Muupenyu huno tese tinotarisana nematambudziko makuru. Ishe
vakataurira Muporofita Joseph Smith kuti aizosangana nematambudziko
makuru. Akatsanangurawo zvakare kuti sei: Zvinhu zvese
zvaizomupa ruzivo uye zvainge zvakanakira iye (onai D&Z 122:7).
Vimbiso inonyaradza iyi yakakwanisa kuti Joseph ashingirire matambudziko
ake zvakanaka. Vimbiso dzakapiwa kwaari dzinoshanda
kwatiriwo. Nokudaro hatifanire kutya zvinoitwa nemunhu, nokuti
Mwari vachave nesu narinhi narinhi (onai D&Z 122:9).
Zvekuita
Dzidzai magwaro matsvene, kunyanya Dzidziso neZvibvumirano
121 ne 122, kuti muwane kunzwisisa nzira dzekutarisana nematambudziko.
Namatirai simba nekutungamirwa kushingirira zvakanaka
matambudziko muupenyu hwenyu nekuakunda. Yeukai kuti kazhinji
makomborero edu makuru anouya chete mushure mekunge tashingirira
matambudziko.
Mukati mesvondo rino, verengai kana kuziva nemusoro ndima dzinotevera
dzerwiyo “Hwaro Hwakasimba”:
132
3. Musatye! Ndinemi. Musaodzwa mwoyo!
Nokuti ndiri Mwari wenyu uye ndicharamba ndichikubatsirai.
Ndichakusimbisai, ndokubatsirai nekukutsigirai,
Neruoko rwangu rwakarurama, rwunesimba.