Mudzimai weMazuva Ekupedzisira, Chikamu Chechipiri

Chidzidzo 30
“Achitaura kumaJuda muSinagoge, Jesu akavaudza kuti akanga atumwa
naBaba vake ‘Nokuti handina-kuburuka kudenga, kuti ndiite
kuda kwangu, asi kuda kwowakandituma’ (Johane 6:38)” (God, Family,
Country: Our Three Great Loyalties [1974], p. 133).
Kuburikidza nedzidziso nemuenzaniso wake, Jesu akatipa zvidzidzo zvakawanda
mukuva vagoveri vamabasa vakachenjera uye vanobudirira.
Chokutanga, Jesu akamisa kereke yake pahwaro hwemvumo yokupiwa.
Apo paakanga ari pasi, Akadaidza vaapositora nevanemakumi
manonwe kuti vamubatsire kutungamirira mabasa eKereke.
Akagoverawo mamwe mabasa kuna vamwe. Vese vaifanira kubatsira
mukuvaka humambo hwake uye, nomukushanda kwavo, vakakudziridza
kwaniso dzavo pachavo. Kuburikidza nokugovera basa, Jesu akabatsira
kusimudzira nokuponesa vanhu pachavo. Kereke nhasi inoshanda
nemusimboti mumwechetewo. Tinobatsira kudzidzisa vamwe
muhutungamiri nokunyatsogovera mabasa kwavari. Nokutevedzera
mutoo waJesu tinokudziridzawo kwaniso yedu pachedu yekugovera
nokubudirira pabasa.
Chechipiri, Jesu aitsanangura mabasa nemitoro yeavo vaainge asarudza
kuti vamubatsire kuita basa rake. Haana kuvadaidza kuva
vaApositora ndokuvasiya vasina rairo. Ainzwisisa zvaidiwa kubva
kwavari, uye Akavadzidzisa zvavaifanira kuita. Akavapa chiratidzo
chezvinhu zvavaikwanisa kubudirira pazviri. Akavakurudzira kuona
zviyedzo nemibairo yokuMutevera.
■ Sei zvakakosha kuti ubatsire avo vaunenge wagovera basa kunzwisisa
zviyedzo nemibairo zvemabsa avo kana zvigaro zvavo?
■ Chii chaungaita kunzwisisa kuti zvose zviyedzonemibairo zvinouya
nechigaro choga choga chaunotambira?
Apo tinogovera mabasa kuna vamwe, tinofanira kuvataurira zvatinotarisira
kubva kwavari uye tinofanira kuvatsanangurira mabasa avo zvakazara.
Tinofanira kutevera muenzaniso wakamiswa naJesu
paAkaraira vaApositora vake Asati Avatuma mberi kunoita basa rake.
“Kwenguva mushure mekugadzwa kwavo vaapositora vakaramba
vaina Jesu, vachidzidziswa nokurairwa zvakakosha naYe kubasa ravaizofanira
kuita, pashure varairwa pane zvavaifanira kuita chaizvo vakatumwa
mberi kunoparidza nokuita mumvumo yehufundisi hwavo”
(James E. Talmage, Jesus the Christ, 3rd ed. (1916), p. 228).
■ Sei zvakakosha kuti vanhu vanzwisise chaizvo zvinotarisirwa kubva
kwavari apo pavanokumbirwa kuita rimwe basa?
283