Mudzimai weMazuva Ekupedzisira, Chikamu Chechipiri

Chidzidzo 33
■ Ndedzipi dzimwe nzira dzakaramba mukomana uyu achidzidza
nadzo?
Zvisinei nokuti tinoita basa rerudzii , tinofanira kuramba tichiedza
kudzidza nokuzvinatsa. Apo nzira itsva dzokurima padzinowanikwa,
murimi akachenjera anotsvaka kudzidza pamusoro padzo uye kuti
dzingashanda sei mumamiriro ezvinhu ake. Apo nzira itsva dzokufusha
nokuchengeta zvokudya padzinotaurwa, muchengeti wemba akachenjera
anodzidzidza woedza kubatsirikana kubva mukudzishandisa.
■ Chii chatingaita kuramba tichidzidza nokuzvinatsa sevachengeti
vemba? Savanaamai? Savana vechikoro? Samadzimai anoshanda?
Kudzidza Kunopfumisa Upenyu Hwedu
“[Makore mazhinji apfuura mumshoni yekuFiji,] mukabazi kadikidiki
umo madzimai gumi nemaviri—gumi vavo vakanga vasiri nhengo—
akapinda Bato raMadzimai, [Mutungamiri weBato raMadzimai] akapa
madzimai aya zvidzidzo zvino ndokuvakurudzira kuti vaite upenyu
hwavo nepavaigara nani. Akavataridza kuti vanganatsa sei dzimba
dzavo nokuisa zvidziro zvinoita kuti musaonekwa nemunhu wose uye
kurima mizambiringa yakanaka kuti ikure ichikwira pamatenga emba
dzavo dzaiva dzakapfurirwa nehuswa, kukirosha madhoiri, kuchenesa
dzimba dzavo zvakanyatsonaka. Ishe wemuraini iroro akanga asingadi
mudzimai uyu muraini rake pakutanga. Asi mudzimai uyu paakatora
Ishe akamutaridza kunatswa kwakanga kwaitwa raini, akabvuma kuti
agare uye kuti misangano ienderere mberi” (Janet Brigham na Herbert
F. Murray, “The Saints in Fiji,” Ensign, Mbudzi 1973, p. 28).
■ Raini iri rakapfumiswa sei nokudzidza kwemasista aya? Kudzidza
uku kwakaita mutsauko sei muhupenyu hwemadzimai emuraini iri?
■ Ndedzipi dzimwe nzira dzingapfumiswa nadzo upenyu hwedu
pachedu nokudzidza?
Zvisinei kuti tinogara kupi, takura zvakadii, kana kuti mamiriro ezvinhu
edu akaita sei, tinokwanisa kudzidza zvinhu zvitsa zvinozopfumisa
upenyu hwedu nokuhwuita hunonyanya kunakidza uye hwune
basa. Kunyangwe mudzimai wechikuru akatyoka gumbo uye akatadza
kubuda mumba kwemwedzi yakawanda, panguva iyi anokwanisa
kuwedzera udzami mukufunga kwake kuburikidza nekuverenga
mabhuku nekufungisisa pamazano aanawo. Mushure anokwanisa
kana kuzoti, sezvakaita mumwe mudzimai akanga asingagoni kubuda
mumba: “Chiitiko ichi chanditaridza kuti kubva mupfungwa, kana
dzikashandiswa zvirinani, netarisiro yakakura munokwanisa kubuda
mufaro mutsva nechimukochikuru. Ndinodemba kuti dai ndakawana
makore mazhinji apfuura ruzivo rwakauya kwandiri mugore rino
rangu rekusvitsa makore makumi manomwe nematanhatu eupenyu
hwangu” (onai Relief Society Magazine, Chikunguru 1967, p. 550).
318