Mudzimai weMazuva Ekupedzisira, Chikamu Chechipiri

Chidzidzo 33
■ Nyora mazano anotevera pabhodhi kurukura nzira dzatinokwanisa
kuitarimwe nerimwe:
1. Kusarudza zvinhu zvatinoverenga neuchenjeri.
2. Ronga nguva yokuverenga zuva nezuva.
3. Iva nechinangwa chaicho mukuverenga.
4. Nyora manotsi pakuverenga.
5. Kurukura mazano aunowana.
Kukurukura nevamwe kunotibatsira kuyeuka zvatinenge taverenga.
Kunotibatsirawo kunzwisisa musoro wenyaya zvakajeka. Neushingi
nekuzvibata, tinokwanisa kudzidza nokufambira mberi zuva nezuva
nokunatsa tsika dzedu dzokuverenga.
Kuedza kwakawedzerwa nekushinga kungangodikanwa naavo vanhu
vanofanira kushanda kunze kwemba kuzviriritira nokuriritira vamwe.
Zvisinei, ivowo, vanokwanisa kuramba vachidzidza nokunatsa umhizha
hwavo nokuisa padivi imwe nguva zuva rega rega kana kuti vhiki
yega yega yekuverenga.
Mutungamiri N Eldon Tanner vakataura nezvekutora mukomana
wechidhiki kuti ave mesenja uyo akataridza chido chake chekudzidza,
chido chake chekushanda, uye chido chake chekuita basa nesimba
munzira dzakawanda:
“Mukomana mutsva uyu, mwanakomana weshirikadzi, aiva mukomana
wechidhiki akangwara uyo aifarira zvinhu zvose zvaiitika uye
aigara akavhura maziso ake kuti aone kana aikwanisa kubatsira. Aida
kushanda nokubatsira vamwe nokudzidza zvaaikwanisa pamusoro
pebizinesi. Akanga asiri kuyedza kuva mutungamiri wekambani, asi
aiedza kuva mesenja akanaka kusvika pese pazvaibvira, uye aienda
kuchikoro chousiku kuti ave nedzidzo irinani. Munhu wose aimuda.
“Akanga angovapo kwemwedzi mishomanana apo . . . paakakwiridzirwa
kuchinzvimbo chaiva nebasa rapamusoro. Gore risati rapera, akapuromotwa
zvakare uye acharamba achipuromotwa nokuda kwemaitiro
ake. Akanga akagadzirira kuita zvakawanda kupinda zvaitarisirwa
kubva kwaari. Aiva nechido nekambani yake uye aida kuva nerubatsiro
uye aivimbwa naye munzira dzose” (“He Was Prepared to Go the
Extra Mile,” mu Leon Hartshorn, Comp., Outstanding Stories by General
Authorities, 3 vols, [1970–73], 1:212).
317