Mudzimai weMazuva Ekupedzisira, Chikamu Chechipiri

Chidzidzo 18
Akafa paakanga ava nemakore gumi nemanomwe, asi mhuri yakava
yakasimba munguva iyoyo. Mukuru Ashton vakacherechedza:
“Kuchengetwa nguva yose kubva kuna amai vanerudo, mwoyo
murefu nekudziya kubva kuna baba vane tsitsi, nekunzwisisa kubva
kuhanzvadzi nhatu dzakanakisa uye mukoma anofunga akaita kuvapo
kwake kukoshe mumhuri. ... [Baba vake] vakati, ‘Hukuna chingatengwa
nemari chaikwanisa kumbotibatanidza murudo, mwoyo murefu,
nekupfava sezvakaitwa nekumuchengeta.’ Heino njodzi . . . yakapindutswa
kuitwa mukana wemakomborero” (“Family Home Storage,’
mu 1977 Devotional Speeches of the Year, p. 69).
Mukuru Ashton vakatiwo:
“Kazhinji [rubatsiro] rukuru-kuru rwatinogashira rwunobva mukati
mezvikwata zvemhuri dzedu. Dzimwe nguva maoko anonyanya
kudiwa ndeayo ari pedyo pedyo nesu. ... Mwari vakaraira nhengo
dzemhuri dzinofanira kubatsira nhengo dzemhuri. ...
“Tinofanira kutora nhengo dzemhuri neruoko tovaratidza rudo rwedu
nderwechokwadi uye rwunoenderera” (mu Conference Report,
Gumiguru 1973, p. 131; kana Ensign, Ndira 1974, p. 104).
Tinofanirawo kugara murudo nekuwirirana neavo varipedyo nesu.
Tinofanira kuva nerubatsiro kuvavakidzani vedu nekuva neruzivo
rwezvavanoda uye kuti tingavabatsira sei. Tinofanira kuva nehanya
nemagariro avo sezvatinoita pamusoro peedu.
■ Kuda vavakidzani vedu kungatibatsire sei kugadzirira zvepamberi?
(Tinokwanisa kubatana navo munguva dzedambudziko.
Tinokwanisa kutsigirana.)
Dzidzo
Mudzidziso neZvibvumirano Ishe vanotitaurira kuti” kubwinya
kwaMwari injere, kana, mune mamwe mazwi, chiedza nechokwadi”
uye Vanotiraira “kukudza vana [vedu] muchiedza nechokwadi” (D&Z
93:36, 40). Mukuwana dzidzo, tinodzidza zvinhu zvinowedzera kwaniso
yedu yekutarira dzimba dzedu zvinobudiria, yekushandisa mari
yedu zvakachenjera, nekubatsira vamwe. Chimwezve, kana tichida
kushanda kuti tizvichengete kana mhuri dzedu, dzidzo inozotibatsira
kuwana basa riri nani kupinda rataizowana tisina dzidzo.
Tinokwanisa kudzidzisa vana vedu kukosha kwedzidzo nekumisa
muenzaniso kwavari. Mumwe nemumwe wedu anofanira kudzidza
kuverenga, kunyora, nekuita masvomho anokosha zvino tozodzidzisa
umhizha uhwu kuvana vedu. Tinofanira kudzidza magwaro matsvene
nguvanenguva, pamwechete nemamwe mabhuku akanaka, uye toaverenga
nevana vedu. Tinokwanisa kushandisa dzidziso dzeruzhinji
nemumwe mikana yedzidzo, uye tinokwanisa kukurudzira vana vedu
kuita zvimwechetezvo.
158