Mudzimai weMazuva Ekupedzisira, Chikamu Chechipiri

Chidzidzo 24
214
femera zvishoma nezvishoma mumuromo make kusvikira wavakuona
chipfuva chake chichisumuka (mufemere kamwechete pamasekonzi
mashanu ega ega). Kumwana mudiki, femera zvishoma asi
kakawada (mufemere kamwechete pamasekonzi matatu ega ega).
5. Tarisa kana moyo uri kupomba ropa kutsinga miniti yega yega.
Ramba uchipa rubatsiro rwekufema kusvikira munhu avakufema
ega kana kuti kusvikira rubatsiro rwasvika.
Kana Munhu Asiri Kufema Uye Moyo Wake Usiri Kupomba Ropa
■ Taridza mufananidzo 24-a, “Kubatsira Moyo Kuti Ushande (CPR)
kunosanganisira kudzvinya pachipfuva uye rubatsiro rwekufema.”
Kana munhu akuvara asirikufema uye moyo wake usiri kupomba
ropa, ita kuti mumwe munhu adaidze amburenzi pakarepo. Kana uri
wega uye akuvara munhu mukuru ari kana mwana (makore masere
zvichikwira), chaya runhare iwe pachako uye wodzokera pakarepo
kumwana wacho womupa CPR (inosanganisira kudzvinya pachipfuva
nokumubatsira kufema). Kana uri wega uye akuvara ari mucheche
kana mwana mudiki (kubva pakuzvarwa kusvika kumakore masere),
ipa CPR kweminiti rimwechete usati wadeedza amburenzi. Kana uchikwanisa,
takura mwana kana mucheche kurunhare kuitira kuti ugoramba
uchipa CPR.
CPR kuVanhu Vakuru Nokuvana Vakura (makore 8 Zvichikwira)
Ita chokwadi kuti munhu wacho akarara nemusana wake panzvimbo
yakaenzana, zvino ita zvinotevera:
1. Gwadama pedyo padivi pemunhu akuvara pakati pemusoro nechipfuva
chake kuitira kuti ukwanise kudzvinya chipfuva chake
pamwepo nokumupa rubatsiro rwekufema.
2. Kotamira kuchipfuva uye wana gomba rakaita se (v) pazasi pepfupa
rechipfuva apo panosangana mbabvu nepfupa rechipfuva.
3. Isa zasi kwechanza choruoko rumwechete pamusoro pegomba uye
rumwe rouka pamusoro perwokutanga. Minwe yako ngaive kure
nechipfuva nokuibatanidza pamwechete kana kuitaridza mudenga.
4. Dzvinya chipfuva nokutsikirira pasi; wobva woregera.
Kudzvinyirira kwaunoita kwega kwega kunofanira kusundira chipfuva
pasi nemasendimita anoita mashanu. Edza kuita kuti kudzvinya
kwaunoita kudzike zvakarurama nemagokora ako akapetwa.
Mushure mekudzvinya kwega kwega bvisa uremu hwako kubva
pachipfuva asi usingabvisi maoko ako pachipfuva. Unofanira
kudzvinya chipfuva rugumi neshanu munguva inoita masekonzi
gumi, izvo zvinoreva kuti unodzvinya kanopfuura kamwechete
pasekondi. Chengeta mwero wekudzvinya nokusumudzira wakafa-