Mudzimai weMazuva Ekupedzisira, Chikamu Chechipiri

Chidzidzo 31
“ ‘Ndinozonyatsa kudzichengeta,’ ndakadaro ‘Ndapota.’
“Mutengesi akauya akaira tsoka yangu.”
“ ‘Shangu tsvuku idzi idiki nehafu yesaizi,’ akadaro, ‘uye ndiyo chete
peya yatasarirwa nayo. Zvisinei,’ akawedzera paakaona kusuwa kwaiva
pachiso changu. ‘Dzimwe nguva shangu dzakafanana nemasenduru
dzakakura zvishoma kupinda shangu dzamazuva ose. Ungada kudziyera
here kuti uone kana dzichikwana.’
“Amai vakaedza kunditsanangurira chokwadi vachindiudza kuti tsoka
dzangu dzaida nzvimbo yokukura kunyangwe kana shangu dzacho
dzaikwana iyezvino. ...”
“Shangu dzacho dzaiva nechigunwe nehiri zvakagadzirirwa mukati
meshangu, dzaishinya, asi zvisinei ndakabudirira pasina kumanikidza
kukuru mukupfeka dzose, ndikasumuka ndikatarisa kutsoka dzangu
muruyemuro.”
“ ‘Munganditengera idzodzi idzi here?’ ndakabvunza, ndichinzwa,
pasina kupokana, kuti ndaikwanisa kutatamura tambo dzadzo
nenguva shoma shoma kuti dzikwane zvakanaka.”
“Shangu dzacho dzakanga dzisingataridziki kuva diki zvakanyanya,
asi amai vainge vaiva nechokwadi kuti pakanga pasina nzvimbo
yakakwana kuti tsoka dzangu dzikure. ...”
“Tariro yangu yakadzikira. ... Amai vakuunyanisa huma yavo mukufunga
kwakadzama apo pavakaenda kunonhonga peya yebhutsu dzebhurauni
dzekushanda nadzo musaizi yandaida.
“ ‘Wadii kumboedza idzi,’ vakadaro; ‘zvino wozoita sarudzo yacho
iwe pachako.’ ”
“Ndakafara chaizvo. Kunyangwe ndakanga ndamboita sarudzo kare,
ndakanga ndisati ndamboita sarudzo yakakosha seiyi. ...”
“Apo ndaipfeka imwe yeshangu dzebhurauni nokusunga tambo dzayo,
yainyatsokukwana zvakanaka kupinda tsvuku yaiva kune rumwe
rutsoka rwangu. Ndakafungisisa chinyararire apo ndaiedza kunyatso
sarudza kwazvo, ndichifunga zvakanaka nezvakaipa zveshangu yoga
yoga. Bhutsu dzaizogara kwenguva yakareba, uye dzainyatsokwana
zvakanaka, asi dzaingova bhurauni dzisina kunyanya kunaka, dzichingotaridzika
kuva dzamazuva ose chokwadi, uye pamusoro pazvo,
dzaiva rudzi rwandaigara ndichipfeka. Shangu tsvuku dzaiva dzakanaka,
uye ndaida dzakasiyana nedzandaigara ndichipfeka . . . zvechokwadi,
dzaishinya, asi ndaikwanisa kutambura kwezuva kana maviri
kana zvaidikwa. . . . Hongu, ndakanga ndiri kuzotora tsvuku
dzacho. ...”
288