Mudzimai weMazuva Ekupedzisira, Chikamu Chechipiri

Chidzidzo 32
Sista Covey vakati: “Ndakamuudza kuti panofanira kunge panechikonzero
chakanaka uye kuburikidza nemunamato nekudzidza magwaro
matsvene aizonzwisisa kuti sei.”
“Mwedzi chaiwo wakatevera akakumbirwa kuva mumwe wemaofisa
eseminari yechikoro chokusekondari. ...”
“Gore iroro akava nezviitiko zvomweya zvikuru zvakawanda.
Akaumba hushamwari hwakadzama hunoreva chinhu uye aiva neshanduro
yakanaka mukubatsira vanhu vakawanda kuva vakasimba
muKereke.
“Pashure akazondiudza kuti zvishoma nezvishoma akasvika pakuzvinzwisisa
nemukunamata kwakasimba nokudzidza magwaro matsvene.
‘Ndaida kuva mutungamiri wavakuzi kupinda zvimwe zvinhu zvose,
asi Ishe vaiziva kuti ndaida chimwe chiitiko ichi zvakanyanya. Ndaida
zvakanyanya kukura pamweya. Chaiva chinhu chakaoma, asi ndinoziva
mumwoyo mangu kuti chaiva chakanaka” (Stephen R. na Sandra
Covey, “Teaching Our Children to Pray,” Ensign, Ndira 1976, p. 63).
Kubudirira pazvinangwa zvedu kunozova nyore kana tikabvisa kubva
muhupenyu hwedu izvo zvinhu zvinotiodza moyo kana kuti misa.
Tsika dzisina kururama, shamwari dzisina kunaka, nepfungwa dzakaipa
dzinouya nokuda kwekutya nokupokana zvinotidzivirira kubva
mukubudirira pazvido zvakarurama.
Kuvanetarisiro yakanaka kunozotibatsira kubudirira pazvinangwa
zvatinenge tazvimisira. Apo tinoshanda zuva nezuva pakuzvinatsa,
tinofanira kunakirwa nerusununguko zvakazara pabudiriro yoga
yoga, zvisinei nokuti idiki zvakadii. Mukuru Mark E. Petersen vakatipa
kurudziro iyi:
“Ndinotenda kuti munzira dzakawanda, pano uye iyezvino muhupenyu
hunofa, tinokwanisa kuzviruramisa. Mumwe mwero weururami
unobvira kuwana muhupenyu huno. ...”
“Ndine chokwadi kuti chimwe chezvido zvikurusa zvaIshe Mwari
wedu ndeche kuti tichachengete murairo mukuru uyo unoti ‘Ivai vakakwana’
(Mateo 5:48)” (Toward a Better Life, [1960], pp. 312–13).
■ Unotsanangura sei mashoko aMukuru Petersen kuti “mumwe
mwero weururami unobvira kuwana muupenyu huno?”
Kubudirira pazvinangwa zvedu zvakarurama kunozouya semubairo
wekuronga, kuedza, nokunamata. Tinofanira kuyeuka kuti hatizombofi
takakundikana kana chete tichivavarira kusvika pazvinangwa izvi
nokutsvaka kunzwisisa chido chaBaba voKudenga kwatiri.
Takatambira vhangeri tikapinda Kereke kutibatsira kuva saBaba vedu
vari Kudenga.
306