Mudzimai weMazuva Ekupedzisira, Chikamu Chechipiri

Chidzidzo 14
“Kuti mweya yedu vana vekuberekwa vevabereki vemweya, vekudenga;
“Kuti chinangwa chikuru chekuva kwedu pano panyika munyama kuti
tiedzwe kuona kana tichizoita izvo zvatinoudzwa naIshe kuti tiite. . . .
“Zvakakosha kuti tichengete mupfungwa kuti sarudzo dzatinoita
patinosarudza chakanaka nechakaipa isarudzo dzinokosha zvikuru
dzatichazomboita. Padziri ndopanomira rufaro rwedu kana kusuwa
munguva yose nekusingaperi.
“Zvino zvifakazira, zvakarurama uye ichokwadi, kuti Mwari Baba
vedu vari kudenga neMwanakomana Wavo Anodiwa Jesu Kristu,
Mununuri wedu, havangatiise munzvimbo yakadai, mune zvakawanda
zvinomira sarudzo dzedu, vasingatipe nzira dzatingakwanise
nadzo kuona chakanaka kubva kune chakaipa. Nzira yaakatipa izwi
reMweya” (“The Voice of the Spirit,” Ensign, Nyamavhuvhu 1978,
pp. 3–4).
■ Verengai VaEfeso 6:11–18. Utungamiri hweMweya Mutsvene hunofananidzwa
sei pakupfeka nhumbi dzose dzekurwa dzaMwari?
Mhedziso
Simba nekufurira kwaSatani zvikuru. Pakusvika pedyo kwekuuya
kwaIshe kwechipiri, Satan achawedzera kuedza kwake kwekutinyengedza
nekutiparadza. Kana takasimba takashinga, tinokwanisa
kukunda uipi hwanhasi.
Nokuti Vatungamiri Vekutanga nevane Gumi neVaviri vari kuziva dzidziso
dzenhema neuipi zviri munyika, vanoramba vachitiyambira
nekutidzidzisa sekurairwa kwavanoitwa naIshe. Tinofanira kutevera
kuraira kwavo kuti tiwane simba nedziviriro.
Tinofanira kuchengeta mupfungwa mazano akapiwa kwatiri na
Mutungamiri Ezra Taft Benson kukurira uipi hwenyika ino: “Ku
Vatendi vaMazuva Ekupedzisira pasi rose, tinoti:. ... Chengetai mirairo
yaMwari. Teverai kuraira kwemuporofita wake anorarama. . . .
Dzidzisai vana venyu kufamba vakatwasanuka pamberi paIshe.
Namatai mudzimba menyu mangwanani nemanheru. ... ‘Musazvipe
kuzvakaipa, asi garo zvipikisai nezvakanaka’ (mu Conference Report,
Kubvumbi 1978, p. 48; kana Ensign, Chivabvu 1978, p. 34).
Zvekuita
Namatirai uchenjeri hwekucherechedza nekupikisa uipi. Taurai makashinga
pamusoro pezvakanaka. Gadzirirai kuuya Kwechipiri KwaIshe.
Kurirai uipi hwanhasi nekushandisa kuraira kwaIshe sezvakanyorwa
muDzidziso neZvibvumirano 45:57; Chenjerai, gashirai chokwadi, torai
Mweya Mutsvene semutungamiri wenyu, uye musa nyengedzwe.
124