Mudzimai weMazuva Ekupedzisira, Chikamu Chechipiri

Chidzidzo 14
Magwaro matsvene anonogedza dhiyabhorosi, kana Satani, semuvengi
kuna Mwari (onai Moroni 7:12) nemuparadzi wemweya yevanhu (onai
Heramani 8:28). Anozivikanwa nemazita mazhinji, mamwe acho anotitaurirawo
zvinangwa zvake: muipi (D&Z 93:37), muparadzi (D&Z
101:54), muedzi (Mateo 4:3), nababa wemanyepo ese (2 Nefi 2:18).
Tinoziva kuti Satani nevateveri vake mweya isina miviri yenyama
nemabonzo uye vanoda kupinda mumiviri yedu yenyama (onai Mateo
8:28–32). Muipi anotsvaga kuita kuti tose tishaye rufaro. Anotibira
madiro edu, otibvisa kubva kuvavariro dzedu dzekusingaperi, otiita
nhapwa nekutiparadza. Satani anoshandisa nhema, unyengeri, nechokwadi
chisina kuzara kutiedza nekuti bata.
Maererano naSatani, Mutungamiri Spencer W. Kimball vakati,
“Anoviga chakaipa kuchiita kuti chitaridzike sechine runako, chinofadza
chirinyore, kunyange chakanaka” (“The Blessings and
Responsibilities of Womanhood,” Ensign, Kurume 1976, p. 70).
Satani anotsvaga kupunza musha nemhuri. Imwe yenzira dzake dzakawanda
kupikisa basa rakapiwa naIshe kuvakadzi. “Satan nevarwi
vake . . . vanokwezva vakadzi kubva kumabasa avo anokosha semadzimai,
vanaamai, nevabati vedzimba” (N. Eldon Tanner, mu
Conference Report, Gumiguru 1973, p. 124; kana Ensign, Ndira 1974,
p. 7).
Mukuedza kwake kunyengedza vakadzi, Satani anotaura zvikonzero
zvingaite kuti zvinhu zvakaipa zviratidzike sezvinobvumirwa.
■ Ita kuti nhengo yekirasi iverenge ichidaidzira chikonzero chekunyengedza
chinotevera chatinonzwa munyika nhasi:
1. Kubvisa pamuviri: “Muviri wangu. Ndinoita zvandinoda nawo.”
2. Hupombwe: “Munhu wese ari kuzviita.”
3. Muchato: “Zvirinani kuziva kuti munowirirana here nekugara mese
musati machata. Zvisinei, zvemuchato ndezvakare.”
4. Kurambana: “Kana zvisingashande, zvirege.”
5. Mishonga Inodhaka: “Inonakidza. Inoita kuti unzwe zvakanaka.”
6. Zvinonyadzisira: “Unofanira kuverenga marudzi akasiyana ezvinhu
kuti uzive zvakawanda.”
7. Basa reVakadzi: “Wakachenjera zvakanyanya kupedza nguva yako
mumba nevana. Unokwanisa kunge uchipa zvinebasa kumwewo.”
8. Kudanana kweverudzi rumwechete murume nemurume kana
mukadzi nemukadzi: “Hatifanire kuvanza manzwiro edu chaiwo.
Tinoda kunzwisisa nekutambira.”
117