Mudzimai weMazuva Ekupedzisira, Chikamu Chechipiri

Chidzidzo 32
Zororo inobudirira yoga yoga mugumisiro wezvinangwa.
Samuenzaniso, mushure mokunge tafunga kwatiri kuzoenda parwendo,
tinosarudza zvinangwa zvinotibatsira kuziva patiri iyezvino,
kwatiri kuenda, uye mafambiro atichaita kubva patiri kuenda kwatinoda
kuva. Zvinangwa zvinopa vavariro negwara kuzviito zvedu.
Zvinotibatsira kunatsa hupenyu hwedu nokubudirira pazvinhu zvatanga
tisingafungi kuti zvinobvira. Mutungamiri W. Kimball vakataura
mashoko anotevera pamusoro pezvinangwa zvemamishinari.
“Chinangwa chedu kuwana hupenyu husingaperi. Ichi ndicho chinangwa
chikurusa munyika. Hatipikisi zvinangwa. Hatidi kuti vatungamiri
vemasiteki nevemamishoni vamisire vadzidzisi huwandu hwevanhu
vanofanira kubhabhatidzwa panguva. Panokudaro, tinovatarisira
kukurudzira vadzidzisi kumisa zvinangwa zvavo pachavo, voaita akakwirira
zvakakwana kuyedza kwaniso dzavo dzose, nokushanda
kubudirira pazviri. Tinotarisira imi hama kuvapa mashoko aya.
Tinotarisira kwamuri kudzidzisa misimboti iyi nokuishandisa. ...
“Vakurudzirei kuzviitira zvinangwa nokubudirira pazviri. ... Budiriro
haisi inofanirwa kuyerwa nokusvika pachinangwa chakamiswa nguva
dzose, asi nokufambira mberi nokukunda” (Regional Representatives
Seminar, 3 Kubvumbi 1975).
Apo vaitaura kumadzimai eVatendi vaMazuva Ekupedzisira,
Mutungamiri Kimball vakatirairawo kumisa zvinangwa zvinoda kuti
tiyedze kupfuura patinogonera . . . kukura kunouya kubva mukumisa
zvinangwa zvako kumusoro soro nokusvikira kudenga denga”
(“Privileges and Responsibilities of Sister,” Ensign, Mbudzi 1978,
p. 103). Vakatiwo: “Tinotenda mukumisa zvinangwa. ... Tinorarama
nezvinangwa. ... Tinofanira kuva nezvinangwa kuti tifambire mberi”
(Regional Representatives Seminar, 3 Kubvumbi 1975).
Kumisa Zvinangwa Zvako Pachako
■ Taridza mifananidzo 32-a, “Mudzimai wechidiki”; 32-b, “Amai
nevana”; uye 32-c, “Mudzimai akura.” Ita kuti kirasi isarudze chinangwa
chimwechete chasista wega wega ari mumifananidzo. Nyora
zvinangwa zvacho zvitatu pabhodhi rechoko. Funga zvimwe zvinhu
zvingaitwa nasista ega ega ikozvino kuti atange kuuya pedyo nechinangwa
chake.
■ Chii chinofanira kuva chinangwa chinokoshesesa muupenyu hwedu?
Kunyangwe mumwe nomumwe wedu akasiyana, chinangwa chedu
chikuru muupenyu chinofanira kuva chimwecho—kuva vakakodzera
kuwana kusimudzirwa muumambo wepamusoro soro nokudzokera
kunogara naBaba vedu veKudenga sechikamu chemhuri Yavo yokusingaperi.
Nokuti zvipo, kwaniso, neutera zvomunhu ega ega zvakasi-
297