Mudzimai weMazuva Ekupedzisira, Chikamu Chechipiri

Chidzidzo 31
Dzimwe nguva, tingangonzwa sokuti hatina kutambira mhinduro kana
simbiso yesarudzo dzedu. Mukuru Dallin. H. Oaks vakapa tsananguro
inotevera yekunzwa kwakadaro: “Kazhinji tinosiyiwa tichigadzirisa
matambudziko pasina kuudzwa zvokuita kana rairo yoMweya. Ichi ndicho
chikamu chekunzwa kwatinofanira kuva nako muhupenyu huno”
(“Teaching and Learning by the Spirit,” Ensign, Kurume 1997, p. 14 ).
Dzimwe nguva, kunyangwe tikatevedzera nhanho dzose dzinofanirwa,
tinogona kuita sarudzo dzisidzo. Zvisinei, kana tikaramba tichinamata
nokutaurirana naIshe, Vanozotitungamirira nokutibatsira kunzwisisa
magadziriro atingaita gwara rehupenyu hwedu nokuita sarudzo dzirinani.
Mukuru Loren. C. Dunn vakataura chiitiko chinotaridza izvi:
“Ndinorangarira makore mashoma apfuura apo ndaiva nesarudzo
yakakosha zvikuru yokuita. ... Ndakanga ndapuwa basa guru repamusoro
soro uye ndikatevedzera nhanho dzose . . . , ndikaita sarudzo
nepese pandaigonera, ndokubva ndotaurira vanhu vakanga vandipa
basa kuti ndakanga ndisingazoritori. Maawa gumi nemaviri akatevera
ndakatambura zvikurusa, ndisati ndaona kuti Ishe vakanga vachiedza
kunditaurira kuti ndakanga ndaita sarudzo isiyo. Kunakidza kwazvo,
vanhu vandakanga ndarambira basa vakandifonera zvakare vakawedzera
mari yavaida kundipa—ndingadai ndakafara zvikuru kutora
mari ipi zvayo yavaida kundipa pakutanga! Asi ndinoshandisa muenzaniso
uyu kuratidza kuti kana tikatevedzera nhanho dzokutanga
zvino toisa zvose mumaoko aIshe, kana iri sarudzo isiyo tinozviwana
zvakaoma zvikurusa kuitambira. ... Neimwe nzira
Vanozotitungamirira kudzokera kugwara ravanoda kuti titore”
(“Establish Divine Communication,” Brigham Young University Speeches
of the Year, [24 Kurume 1970], p. 4).
■ Ndedzipi nhanho dzenzira yokuita sarudzo dzinosimbisiswa
munyaya ino? Sei zvakakosha kuva nesimbiso yeMweya patinoita
sarudzo?
Mukuru Marion G. Romney, mukutaura nezve Dzidziso
neZvibvumirano 9:7–9, vakati: “Urwu ndirwo rudzi rwedudziro yatinokwanisa
kurarama nayo. Munhu haangaita zvikanganiso zvakakomba
muhupenyu. Izvo zvinokwanisa kudzivirirwa nokutevedzera
mutoo uyu. Unozotitungamirira muzviitwa zvedu zvose kana tikautevedzera”
(mu Conference Report, Kubvumbi 1964, p. 125; kana
Improvement Era, Chikumi 1964, p. 506).
Kuchengeta Sarudzo Dzakachenjera Dzatinenge Taita
Apo patinenge taita sarudzo yakachenjera uye yakafemerwa, tinofanira
kusimba mutsidziro yedu kuitevera. Nokuda kwezvimanikidzo
zvakawanda zvinokwanisa kutibvisira kure nezvinangwa zvedu, tinofanira
kuziva kuti kuita sarudzo kwadzo kunosanganisira tsidziro dzo-
293