Mudzimai weMazuva Ekupedzisira, Chikamu Chechipiri

Chidzidzo 19
Zvinotevera zvimwe zvinhu zvingangoiswa mubhuku rendangariro
rako pachako:
1. Zvinangwa, tariro, uye zvido
2. Zviitiko zvemumabasa
3. Matambudziko uye magadzirisirwo aakaitwa
4. Mafaro nemasuwo nenhengo dzemhuri
5. Ukama nevamwe
6. Pfungwa dzakadzamisisa
7. Zviitiko zvinowedzera rutendo
8. Zviitiko zvemhuri zvakakosha
9. Kukunda pamatambudziko
10. Zviitiko zvinokosha zvawakafunda kubva pazviri
11. Uchapupu hwako pachako
12. Rairo kuzvizvarwa zvamagwana zvichazoverenga bhuku rendangariro
racho.
Mukuru Theodore M. Burton vakaraira: “Sevanhu vamwechete tinofanira
kunyora pamusoro pehupenyu hwedu pachedu nezviitiko zvedu
pachedu kugadzirira zvizvarwa zvedu zvinyorwa inoyera. Tinofanira
kuvapa simba rimwechetero rinosimudzira uye rinokwiridzira rutendo
seiro ratinopiwa iyezvino nemagwaro matsvene akare kare” (Ensign,
Ndira 1977, p. 17).
■ Ndedzipi pundutso dzinokwanisa kuuya kubva mukuchengeta
bhuku rendangariro?
Matangiro
Kune nzira yakareruka yekutanga kuchengeta marekodhi edu.
Maererano naMukuru Boyd K. Packer, “Kana usingazive pekutangira,
tanga newe pachako. Kana usingazivi zvinyorwa zvekutsvaga, uye
mawaniro aungaaita, tanga nezvauinazvo” (“Someone Up There Loves
You,” Ensign, Ndira 1977, p. 10).
Tinokwanisa kutanga nekuunganidza zvinyorwa zvakaita sezvitupa
zvokuzvarwa, zvitupa zvokuropafadzwa, zverubhabhatidzo, zvekugadzwa,
uye zvezvikoro; mibairo yokukunda; mifananidzo; uye nezvimwe
zvakadaro. Chengeta ruzivo rwakanyorwa, rwakanyoreswa
169