Mudzimai weMazuva Ekupedzisira, Chikamu Chechipiri

Chidzidzo 14
“Ishe vakatiudza kuti tiwande tizadze nyika kuti tikwanise kuva nerufaro
muzvibereko zvedu, uye hakuna rufaro rukuru kupfuura rufaro
rwunouya rwevana vanofara mumhuri dzakanaka. Asi havana kutaura
uwandu, kana Kereke harina. Iyi inyaya inoera inosiirwa kuvaviri
naIshe” (Gordon B. Hinckley, Cornerstones of a Happy Home [pamphlet,
1984], p. 6).
■ Ndekupi kwatinga dzidze zvinodzidziswa nevatungamiri vedu maererano
nezvinhu zvazvino? (Koka nhengo yekirasi iverenge chikamu
“Mazwi eMaporofita Edu Anorarama” muchitsauko 10 cheMusimboti
weVhangeri.)
Mukuru Gene R. Cook vakakumbira kuti timirire zvakanaka nekutaura
nezva Mwari neushingi. Vakapa muenzaniso wemukadzi akaita izvozvi
mumamiriro aiyedza:
“Akanga ari pamabiko ekudya kwamasikati nevamwe vanhengo
dzeKereke; vamwe vakanga vari nhengo dzekereke; vamwe vakanga
vasisapinde; nevamwevo vashoma vasiri nhengo vaivepo. Nyaya
yakapindukira kukubvisa pamuviri nekuronga mhuri, mumwe wevasiri
nhengo akataura . . . kumwe kunzwa kwakasimba zvikuru maererano
nenyaya idzi. Akataura, zvisina chokwadi, kuti hapana chakaipa
nekubvisa pamuviri, uye [akataura zvimwe zvinofungwa zvakapfuuridza].
Sista vakanaka vemuKereke vakatarisana nechiedzo chakaoma
chekuti votaura nezvemamiriro ekunze kana imwe nyaya isina nharo,
kana kunyatsotaura pfungwa yavo vachireva chokwadi. Mudzimai
akanaka uyu akasarudza kutaura chokwadi. Mushure mekutsanangura
zvakanga zvataurwa naIshe maererano . . . nenyaya idzi, akapa uchapupu
hwake pamusoro pemanzwiro ake. ... Pashure mumwe wemadzimai
vasisauye kuKereke akauya kuna sista vakanaka ava akatsanangura
kuti akanga asina kumbenge akanzwisisa kufunga kwaIshe
panyaya idzodzo uye akangaanzwa chokwadi chichitaurwa pazuva
iroro” (mu Conference Report, Kubvumbi 1976, p. 153; kana Ensign,
chivabvu 1976, p. 103).
■ Sei zvakanga zvakakosha kuti sista ava vazive zvakanga zvataurwa
naIshe pamusoro penyaya dzanhasi? Sei tichifanira kuziva zvakataurwa
naIshe pamusoro penyaya dzazvino?
Mukuru Marvin J. Ashton vakaraira:
“Hakuna kumbove nenguva yekukosha kukuru kwatiri senhengo
dzeKereke raJesu Kristu raMazuva Ekupedzisira kwekuti timire, tirambe
takasimba mukutenda kwedu, nekuzvibata zvakachenjera pamamiriro
ezvinhu ese. Hatifanire kushandiswa kana kushatiriswa neavo
vanokuridzira zvakavanda gakava pamusoro penyaya dzanhasi.
122