Mudzimai weMazuva Ekupedzisira, Chikamu Chechipiri

KUKOSHA
KWEMUNHU
Chidzidzo 11
Chinangwa chechidzidzo chino ndeche kutibatsira kuti tive saKristu
muukama hwedu nevana vese vaMwari.
Tese Tiri Vana vaBaba veKudenga Vane Rudo
■ Ratidza mufananidzo 11-a, “Vana vanobva kunyika dzakawanda.”
Vamwe vangangobvunza mubvunzo, “Mwari vakasika vanhu vese
here?” Magwaro matsvene anotiudza kuti Mwari vakaumba vanhu
vese vakagara kana vachazogara panyika. Vakasarudzawo nguva
nenzvimbo yekuti munhu wega-wega azvarirwe panyika. (Onai
Mabasa AvaApositora 17:26.)
Mumwe nemumwe wedu chisikwa chiri chega chakakosha. Mumwe
nemumwe wedu ane muviri wenyama uriwega pamumhu, pamaumbirwo,
parudzi, nekutarisika kwekumeso. Zvakadaro mumwe nemumwe
wedu ane unhu, matarenda, zvinomufadza, umhizha, nekwaniso
zvake ega.
■ Ratidza posita reDzidziso neZvibvumirano 18:10 woita kuti nhengo
yekirasi iverenge chinyorwa chitsvene ichi ichidaidzira.
Mumwe nemumwe wedu mwana waBaba veKudenga, tiine unhu nechimiro
chenyama zvedu pachedu. Pamwechete tinoita mhuri Yavo yekusingaperi.
Anoda nekukudza mumwe nemumwe wedu. Anodawo vana
Vake kuti vadanane nekubatana sehanzvadzi nevakoma nevanin’ina.
■ Tingaratidze sei kuti tinotambira vanhu vese sehanzvadzi nevakoma
nevanin’ina?
Hanya nemagariro evamwe vanhu inzira huru yekuratidza kutambira
kwedu kwevamwe vedu. Makore mazhinji akapfuura mwana ane
makore matatu akawira mumugodhi usisashandiswe. Vadzimi vemoto
vemudunhu, vemabhizimisi, vatambi vesekasi, mushandi wemufekitari,
chiremba, muvakidzani, nevatapi venhau vese vakashanda
pamwechete muchido chavo chekumununura. Njodzi iyi yakazivika-
85