Mudzimai weMazuva Ekupedzisira, Chikamu Chechipiri

Chidzidzo 2
“Satani angangoti, ‘Tora zvakawanda zvaungakwanisa mahara. ...’
Anokuridzira kusaita chinhu, unyope, kunyange pfungwa yekuti
hurumende inechikwereti chekurarama kwako. ...
“Ishe varoti, ‘Bhadhara chimwechete kubva mugumi chezvawakawana
pagore sechegumi. Kune izvi, ndichakupa mubairo mukuru’ (onai
3 Nefi 24:8–10; D&Z 119:4).
“Rusifa anogona kuti, ‘Sei uchibhadhara chegumi chako? Unoda mari
yacho kupfuura kudiiwa kwainoitwa neKereke. ...’
“Ishe vanoti, ‘Tsvaka mutsetse wemadzitateguru ako ugopedza basa
ravo retemberi.
“Satani anogona kuti, ‘Chimbomira kuita basa iri kana, kuti, usariite
zvachose’ ” (Carl W. Buehner, “Who’s on the Lord’s Side?” Improvement
Era, Chikumi 1961, pp. 402–3).
Dzese Sarudzo Dzine Mibairo
Zvakakosha kuti tinzwisise kuti kunyange takasununguka kusarudza
zvatinoita, hatina kusununguka kusarudza mibairo yezviito zvedu.
Mibairo, kunyange yakanaka kana yakaipa, inotevera semhedzisiro
chero yesarudzo dzatinoita.
■ Verengai VaGaratia 6:7–9.
Murimi anoziva kuti anokohwa zvaanorima. Rudzi rwemuchero waanosarudza
kudyara rwunotonga rudzi rwemuchero waachawana musi
wekukohwa. Haanga dyare pizi achitarisira kuzokohwa mapichisi.
Kana kusarudza kushaya hanya nechirimwa chake ochitarisira kukura
zvakanaka.
Kana taita sarudzo, tinofanira kutambira mubairo wesarudzo iyoyo.
Tinosarudza zvinotevera patinosarudza kuita chinhu. Tinosarudza
magumo patinotanga mufambo.
■ Ratidza mufananidzo 2-a, “Mhandara irikufungisisa sarudzo,” Sei
zvakakosha kuti mhandara iyi iite sarudzo kwadzo maererano
nedzidzo yake, upenyu hwake pachake, nekudziridzo yemweya?
Tinofanira kusarudza nzira yatichafamba nayo.
■ Ndedzipi dzimwe sarudzo dzinozokuisa panzira yeupenyu husingaperi?
Tese tinotarisana nezviitiko mazuva ese zvinoda kuti tiite sarudzo.
■ Ndedzipi sarudzo dzezuva rega-rega dzamunosangana nadzo?
Ndeipi mimwe mibairo yesarudzo idzi?
“Makore akati kuti akapfura, musikana weVatendi vaMazuva
Ekupedzisira wekuunivesiti nemukomana wake weVatendi vaMazuva
13