Mudzimai weMazuva Ekupedzisira, Chikamu Chechipiri

Chidzidzo 25
rori anotakura zvinhu, ezvikepe, kana vashandi vezvitima, zvinogona
kutadzisa kutakurwa kwezvokudya. Rumwe rudzi rwematambudziko,
sezvakaita nzara inounzwa nokusanaya kwemvura, zvamupupuri,
matutu emvura, uye kunyangwe hondo, zvakaitika kunyika dzakawanda
uye zvinokwansia kuitika zvakare. Kana matambudziko akadaro
akawira dunhu rose, zvekudya nezvimwe zvekushandisa kazhinji
hazvikwanisi kuwanikwa, kunyangwe kana mari iripo. Mhuri inokwanisawo
kuita dambudziko reurwere kana kupera kwebasa izvo zvinogumisira
nokushaiwa kwemari, zvichiita kuti mhuri ifanire kurarama
nezvekudya zvakachengetwa.
Sista Cherry Lee Davies nemhuri yavo vakawana uchapupu hwekuchengeta
zvekudya pamba nemukuva nedambudziko ivo pachavo.
Baba naamai Davies vakanga vari vatendeuki kuKereke uye vaiziva
nezvekuchengeta zvekudya pamba, asi vakanga vasingarongi kutanga
chirongwa chavo kwenguva. Nekuda kwekuti vaironga kutamira kure
kunotanga musha mutsva, vakaona sechinhu chakapusa nekuzvinetsa
nekuchengeta zvekudya pamba panguva iyoyo. Zvisinei, Mai Davies
kazhinji vaitsanya nokunamatira hutungamiri. Vasingambozvifungire,
vakatanga chirongwa chekuchengeta zvekudya. Nguva dzose dzavaienda
kuchitoro, vaitenga zvekudya zvakawedzerwa kupinda zvavaida.
Mushure menguva diki makabhodhi emumba yekubikira akanga azara
zvekuti vakatanga kuchengetera zvekudya mumba yekurara. Murume
wavopaakabvunza zvavaiita, vakapindura, “Ndinofunga ndiri kuchengeta
zvekudya.” Paakabvunza kuti sei, zvose zvavakakwanisa kupindura
kwaiva kuti “Nokuti ndinofanira kudaro.” Havana kukwanisa
kupa zvimwe zvikonzero kusara kweichocho. Vakati, “Kunamata kwakawanda
kwandaiita pamusoro pazvo kwakandipa chido chikuru chekutenga
zvekudya. Mukatikati mangu maiva nekunzwa kwekugadzikana,
kwepundutso yekuti ndaiteerera.”
Mai Davies vakadzidza nzira dzekubika zvimwe zvekudya zvacho
zvavaichengeta nekuenda kwaidzidziswa nezvekubika, nokuverenga,
uye nekudzidzira kubika zvakasiyana-siyana. Apo pavakanzwa kuti
vanga vavakunyatsobika zvekudya izvi zvakanaka, imwe pfungwa
yakauya kwavari yekutenga zvimwe zvekudya zvakawanda.
Vanotsanangura manzwiro avo: “ ‘Sei?’ ndakabvunza mumunamato,
asi pakanga pasina mhinduro. Ndaingofanira kutenga zvimwe zvakawanda.
Saka ndakadaro, ndakakangaidzwa nokushamiswa, asi ndakateerera.
Ndaiona kuti zvekudya zvose izvi zvaizotora nzvimbo yakakura
murori yataida kuhaya [kuende kumusha wedu mutsva].”
Apo mhuri yekwa Davies payakazotama kuenda kumusha wavo
mutsva, midziyo yavo yose uye mabhokisi anoita gumi nemashanu
kana kuti makumi maviri ezvekudya zvakakwana nepadiki diki
murori yavakanga vahaya. Pavakazobhadhara rori, nokunogara imba
234