Mudzimai weMazuva Ekupedzisira, Chikamu Chechipiri

Chidzidzo 31
“Kwemazuva maviri akatevera ndakapfeka shangu dzakanaka idzi
mukutambura. Zvino mhoni dzakabuda pazvigunwe zvikuru zvemutsoka
dzangu dzose, uye kutambura kwakashanduka kuva kurwadziwa
kukuru. ...”
“Pakupedzisira, ndakanga ndisisakwanisi kuramba ndakadaro.
Nemisodzi pedyo neshangu tsvuku dzakabatwa zvakasimba mumako
angu, ndakaenda kuna amai: Muromo wangu waidedera, asi ndakanga
ndazvipira kusachema . . . ndakamira kwechinguvana ndichiedza
kuzvibata nokufunga zvokutaura.”
“ ‘Dzinoshinya uye dzinorwadza,’ ndakataura chokwadi.”
“Mhinduro yavo yakauya sechishamiso chikuru kwandiri zvokuti
zvese zvandakangokwanisa kuita kwaiva kumira nemuromo wangu
wakavhurika ndisina zvandaitaura.”
“ ‘Hatiiti sarudzo kwadzo nguva dzose,’ Amai vakadaro vachienda
kudhiroo kwavakanoburitsa bhokisi raiva neshangu dzebhurauni.
Apo vaindipa shangu idzi vakawedzera zvinyoro nyoro. ‘Uye dzimwe
nguva zvinotora kurwadziwa kwekushinywa kutibatsira kuchenjera
zvirinani panguva inotevera yatinenge tine chimwe chinhu chakakosha
kusarudza’ ” (Lena Mae Hansen, “A Pinch of Hurt,” New Era, Kurume
1977, pp. 49–50).
■ Ndechipi chidzidzo chakadzidzwa nemusikana uyu? Amai vakabatsira
mwanasikana wavo sei kudzidza kuita sarudzo?0
■ Ndedzipi dzimwe sarudzo dzaungabatsira vana vako kuita?
Kudzidzisa vana vedu kuita sarudzo dzakachenjera chikamu chinokosha
chebasa redu sevabereki.
Sarudzo Dzakachenjera
Mutungamiri Spencer. W. Kimball vakati:
“Tinovimba kuti tichakwanisa kubatsira varume nemadzimai echidiki
edu kuziva . . . kuti vanofanira kuita dzimwe sarudzo kamwechete
chete. ... Dzimwe tsidziro dzandakaita pakutanga muhupenyu hwangu
. . . dzakava rubatsiro rukuru kwandiri nokuti handina kuzofanira
kuita ndaita zvakare sarudzo idzodzo. Tinokwanisa kusundira zvimwe
zvinhu kure nesu kamwechete uye topedza nazvo! Tinokwanisa kuita
sarudzo imwechete pamusoro pezvimwe zvinhu zvatinozoshandisa
muhupenyu hwedu nokuzozviita zvedu—pasina kuzozvifungisisa
nokusarudza zvakare kakawanda wanda kuti chii chatichaita uye chii
chatisingazoiti.
“Kutadza kusarudza nekuwora moyo mamiriro ezvinhu umo Muvengi
maanoshanda zvakanyanya kunaka, nokuti anokwanisa kunyengedza
289