Mudzimai weMazuva Ekupedzisira, Chikamu Chechipiri

Chidzidzo 7
“Uye kune avo vanobhadharisa mari yakapfuuridza, vanoyera zvakapfuuridza
nekubhadhara mari iripasi” (Faith Precedes the Miracle, pp.
234–35).
■ Ndeapi mamwe maitiro ekusavimbika akawanda?
■ Sei Satani achida kuti tisa vimbike?
■ Ndezvipi zvimwe zvitadzo zvingakonzerwa nekusavimbika?
Kusavimbika Kunotanga neZvinhu Zvidiki-diki
Munhu anovimbika haangova asingavimbike pakarepo. Kusavimbika
kunotanga netwunhu tudiki twunozo pedzisira twapinda munzvimbo
dzese dzeupenyu hwedu. Pfungwa dzisina kuvimbika, kutya, shanje,
utsinye, kunyengedza vamwe, kunyange kuramba tinyerere patinofanira
kutaura chokwadi indudzi dzekusavimbika dzinotitungamira
kubva kuna Baba vedu Vekudenga.
Mumazuva ekutanga eKereke, mudzimai waThomas B. Marsh akaita
chinhu chisinakuvimbika chakakonzera vana Marsh kubuda nekubviswa
muKereke. Mukuru March vakanga vachishanda panguva iyoyo
seMutungamiri weChikwata chevane Gumi nevaviri.
“Pakanga Vatendi vachigara Kure kumadokero, mudzimai wa
[Mukuru] Marsh naSista Harris vakabvumirana kuchinjana mukaka,
kuitira kuti mumwe nemumwe wavo akwanise kugadzira chizi huru
kupinda yavaikwanisa mumwe ariega. Mumwe aifanira kuendesera
mumwe ruomba zvese nemukaka wacho. Mai Harris vakaita rutivi
rwavo rwechibvumirano, asi Mai Marsh vakachengeta paindi yeruomba
kubva pamhou yega-yega. Paka zivikanwa izvi nyaya yacho
yakaunzwa pamberi pevatungamiri vehufundisi kuti vatonge gakava
ravo, ava vakasatsigira Mai Marsh.”
Mukoma Marsh vakatsigira zviito zvemudzimai wavo, zvisinei,
vanaMarsh vakatsamwa, vakazopindukira Kereke. Vakazorasikirwa
neunhengo hwavo pamusoro pekutsamwa kwaibva muchiito chekusavimbika.
(Onai Hyrum M. Smith naJanne M. Sjodahl, The Doctrine and
Covenants Commentry, bhuku rakadzokororwa [1972], p. 167.)
■ Sei tichifanira kuvimbika muzvinhu zvidiki? Sei tisingafanire kutsigira
zviito zvisinakuvimbika?
Tinokwanisa Kudzidza Kuvimbika
Patakazvarwa, takanga tisina ruzivo rwechakanaka kana chakaipa.
Kutibatsira kuita sarudzo kwadzo nekutitungamira muupenyu hwedu,
mumwe nemumwe wedu akapiwa Chiedza chaKristu. Patinobvumira
Ishe kuti vatungamira kuchokwadi, tinozodzidza kuvimbika.
55