Mudzimai weMazuva Ekupedzisira, Chikamu Chechipiri

Chidzidzo 26
“Ndakavaka migwagwa nedzimba neivhu nokutamba nezvimotokari.
Kunamata nokutamba navo kwakandibatsira kuvaka ukama hwakanakisisa
navo.
‘Nechinhu chipi zvacho chinotora ruedzo, mubairo wakanaka unouya.
Mubairo wangu wakauya mushure mekupedza maminetsi makumi
matatu akanyanya kunaka nemwanakomana wangu. Akandimbundira
nemaoko ake nechomuhuro, akanditsvoda padama, akati,
‘Ndinokudai, Baba!’ ” (Dan L. Johnston, “Daddy, I’m Talking to You,”
Ensign, Gunyana 1978, p. 71).
■ Chii chakaitwa nababa ava chakasimbisa mhuri yavo?
Tinopedza nguva yedu yakawanda tichiita zvinhu zvatinonzwa kuti
zvakakosha. Basa redu remazuva ose, zvigaro zvedu zvokuKereke,
kuzorora kwedu, nezvimwe zvinhu zvinotora nguva yakawanda zvakakosha.
Zvisinei, izvi zvingangova zvisizvo zvinhu zvakakoshesesa
muupenyu hwedu. Funga mapinduriro aungaita mibvunzo inotevera:
1. Ndezvipi zvinhu zvakakoshesesa muhupenyu hwangu?
2. Ndinopedza nguva yakakwana ndichiita zvinhu zvakakoshesesa
muhupenyu hwangu here?
3. Ndingaronga sei kuva nenguva yakawanda nemhuri yangu?
Tinofanira kuziva kuti chimwe chezvinhu zvakakoshesesa muhupenyu
imhuri, nokuti ndiyo ingaperi. Zvisinei nokuti mamiriro ezvinhu akaita
sei, tinofanira kuwana nguva nemhuri dzedu.
Kutandara kwemHuri Kunounza Rudo noKubatana
Vamwe vedu tinokwanisa kurangarira kubva kuhudiki hwedu mufaro
mukuru watainzwa nemhuri dzedu apo pataiita zvinhu pamwechete.
Vamwe mai vakataura zvinotevera:
“Apo ndinofunga kumashure pahudiki hwangu uye mazuva angu
ekuyaruka ndinoyeuka neruremekedzo ndangariro dzinofadza idzo
dzezvinhu isu vana namai nababa zvataiita semhuri. ...
Handingambodi kuchinjanisa ndangariro dzemitambo yemhuri yedu
nekumwe kutandara kwemhuri kuti ndiwane ese mabhaisikopo
anhasi, magiraundi ebhora, nedzimba dzokudyira. ...
“Ndakatsidzira kuita zvose zvandinokwanisa kuronga zviitiko zvemhuri
yangu zvinounza Mweya waIshe mumba medu sokuzadza
kwaiitwa neMweya imba yavabereki vangu. Ndinoda kuti vana vangu
vave neropafadzo huru yekuva nendangariro idzo dzakakosha zvikuru”
(Family Home Evening Manual, 1968, pp. 184–85).
Saamai ava, tinofanira kuedza kupa mhuri dzedu zviitiko zvakanaka.
Dzimwe nguva zviitiko zviripo kunze kwemba hazvina kunaka,
nokuti hazvitibatsiri kuvaka rudo nokubatana mumba medu nokuswe-
244