Mudzimai weMazuva Ekupedzisira, Chikamu Chechipiri

Chidzidzo 30
Kana tichinge tagovera nokutsanangurira vamwe zvakazara mabasa
avo, tinofanira zvino kuchitaridza ruvimbo rwedu mukwaniso yavo
nokuvabvumira rusununguko kuzadzikisa mabasa avo. Tinofanira,
zvisinei kuvapo kupindura mubvunzo yavo nokupa rubatsiro parunenge
ruchidikanwa.
■ Basa romutungamiri chii kana achinge agovera mumwe zvokuita?
Basa romutungamiri nderipi kumunhu waanenge agovera basa?
Chechitatu, Jesu aikumbira marhipoti kubva kuna avo vaainge apa
mabasa?
■ Verenga Marko 6:30. VaApositori vakaudza Jesu chii?
■ Sei zvakakosha kutambira marhipoti kubva kuna avo vatinenge
tapa mabasa?
Tinofanira kudzidza kubva kuna vamwe. Vatungamiri vakachenjera
vanoziva kuti vanofanira kudzidza kubva kune vamwe vanhu vane
mazano akanaka uye vanozokumbira mazano kubva kwavari.
Vanoziva kuti vamwe vanhu vakakosha uye vanovabatsira kunzwa
kuti vane chikamu chakakosha chebato kana mhuri.
Chechina, Jesu aidzidzisa nemuenzaniso wake kuti vatungamiri vanofanira
kupa rumbidzo netsiuro mumweya werudo. “Apo basa parinenge
rapiwa, mutungamiri haakanganwi munhu apuwa basa kana basa
rake. Anotevera nechido asi ‘haatarisi nemubendekete.’ Anopa rumbidzo
painenge ichikodzera. Anopa kurudziro inobatsira painenge ichidikanwa.
Apo paanonzwa kuti basa harisi kuitwa uye shanduro inodikanwa
anoita neushingi nesimba asi nemutsa. Apo nguva yepachigaro
painenge yapedzwa, anopa rumbidzo, anopa rumbidzo nerutendo”
(Ezra Taft Benson, God, Family, Country, p. 140 ).
■ Verenga Mateo 25:23. Ungataura rutendo rwako kuna vamwe sei?
Kugovera seRubatsiro rwekubudirira paMabasa edu?
Zvigaro zvedu kazhinji zvinoda kuti tizadzikise mabasa akasiyana
siyana. Imwe yenzira yatinokwanisa kuazadzikisa kuburikidza nekugovera
kwakachenjera. Apo tinokura muKereke, tinowana mikana
yakawanda yokugovera nokuita mabasa anenge agoverwa kwatiri.
Tinofanira kuramba tiri mumiganhu yemabasa neutariri hwedu
pachedu kwete kutora mabasa anenge apuwa mumwe munhu.
Mutungamiri N . Eldon Tanner vakataura chiitiko chinotevera pamusoro
pekugovera basa: “Mwanasikana wangu akanga ari Mutungamiri
weSiteki weBato reMadzimai . . . akauya kwandiri mumwe musi akati
“Munoziva, Baba ndinenge ndisiri kukwanisa kuita kuti mumwe
wevatevedzeri vangu atambire mabasa ake. Ndino muudza zvokuita,
284